ਦੇਵੀਗੜ੍ਹ:
ਪੀਆਰਟੀਸੀ ਬੱਸ ਦੇ ਕੰਡਕਟਰ ਗੁਰਮੁਖ ਸਿੰਘ ਅਲੀਪੁਰ ਜੱਟਾਂ ਨੇ ਤਿੰਨ ਲੱਖ ਰੁਪਏ ਵਾਲਾ ਲਿਫਾਫਾ ਸਵਾਰੀ ਨੂੰ ਵਾਪਸ ਕਰ ਕੇ ਇਮਾਨਦਾਰੀ ਦੀ ਮਿਸਾਲ ਪੇਸ਼ ਕੀਤੀ। ਕੰਡਕਟਰ ਗੁਰਮੁਖ ਸਿੰਘ ਨੇ ਦੱਸਿਆ ਕਿ ਉਹ ਕੱਲ੍ਹ ਪਟਿਆਲਾ ਬੱਸ ਸਟੈਂਡ ਤੋਂ ਚੀਕਾ (ਹਰਿਆਣਾ) ਰੂਟ ’ਤੇ ਸਵਾਰੀਆਂ ਲੈ ਕੇ ਗਏ ਸੀ ਜਦੋਂ ਬੱਸ ਚੀਕਾ ਪਹੁੰਚੀ ਤਾਂ ਸਵਾਰੀ ਸਾਮਾਨ ਵਾਲਾ ਲਿਫਾਫਾ ਸੀਟ ’ਤੇ ਛੱਡ ਕੇ ਕੈਥਲ ਵਾਲੀ ਬੱਸ ਵਿਚ ਜਾ ਬੈਠੀ। ਇਸ ਦੌਰਾਨ ਉਸ ਨੇ ਭੱਜ ਕੇ ਕੈਥਲ ਵਾਲੀ ਬੱਸ ’ਚ ਬੈਠੀ ਸਵਾਰੀ ਨੂੰ ਆਵਾਜ਼ ਦਿੱਤੀ ਤੇ ਉਹ ਉਸ ਕੋਲ ਆ ਗਏ। ਲਿਫਾਫੇ ਬਾਰੇ ਪੁੱਛਣ ’ਤੇ ਉਨ੍ਹਾਂ ਕਿਹਾ ਕਿ ਇਹ ਲਿਫਾਫਾ ਉਸ ਦਾ ਹੈ ਤੇ ਇਸ ਵਿੱਚ ਤਿੰਨ ਲੱਖ ਰੁਪਏ ਹਨ। ਲਿਫਾਫੇ ਦੀ ਜਾਂਚ ਕਰਨ ’ਤੇ ਉਸ ’ਚ ਤਿੰਨ ਲੱਖ ਰੁਪਏ ਸਨ, ਜੋ ਕੰਡਕਟਰ ਨੇ ਸਵਾਰੀ ਨੂੰ ਵਾਪਸ ਕਰ ਦਿੱਤੇ। ਪੈਸੇ ਮੋੜਨ ’ਤੇ ਸਵਾਰੀ ਨੇ ਉਨ੍ਹਾਂ ਦਾ ਧੰਨਵਾਦ ਕੀਤਾ। -ਪੱਤਰ ਪ੍ਰੇਰਕ