ਪੱਤਰ ਪ੍ਰੇਰਕ
ਭੁੱਚੋ ਮੰਡੀ, 25 ਜੁਲਾਈ
ਬੀਤੀ ਰਾਤ ਸਾਢੇ ਕੁ ਨੌਂ ਵਜੇ ਤਲਵਾਰਾਂ ਨਾਲ ਲੈੱਸ ਤਿੰਨ ਨਕਾਬਪੋਸ਼ ਮੋਟਰਸਾਈਕਲ ਸਵਾਰਾਂ ਨੇ ਦੋ ਵੱਖ-ਵੱਖ ਘਟਨਾਵਾਂ ਨੂੰ ਅੰਜਾਮ ਦਿੰਦਿਆਂ ਰੇਹੜੀ ਵਾਲਿਆਂ ਕੋਲੋਂ ਮੋਬਾਈਲ ਅਤੇ ਨਕਦੀ ਖੋਹ ਲਈ ਤੇ ਫਰਾਰ ਹੋ ਗਏ। ਪੀੜਤ ਪਵਨ ਨਾਗਪਾਲ ਨੇ ਦੱਸਿਆ ਕਿ ਉਹ ਐੱਫਸੀਆਈ ਦੇ ਗੋਦਾਮ ਕੋਲ ਆਪਣੀ ਗੋਲੀਆਂ ਟੌਫ਼ੀਆਂ ਵਾਲੀ ਰੇਹੜੀ ਖੜ੍ਹੀ ਕਰਨ ਗਿਆ ਸੀ। ਇਸ ਦੌਰਾਨ ਤਿੰਨ ਨਕਾਬਪੋਸ਼ਾਂ ਨੇ ਤਲਵਾਰਾਂ ਦਿਖਾ ਕੇ ਉਸ ਤੋਂ 400 ਰੁਪਏ ਲੁੱਟ ਲਏ ਅਤੇ ਰੇਹੜੀ ਤੋਂ ਖਾਣ ਵਾਲਾ ਸਾਮਾਨ ਚੁੱਕ ਕੇ ਫਰਾਰ ਹੋ ਗਏ। ਦੂਜੀ ਘਟਨਾ ਵਿੱਚ ਲੁਟੇਰੇ ਫਲ ਵੇਚਣ ਵਾਲੇ ਹੰਸ ਰਾਜ ਨੂੰ ਰਾਹ ਵਿੱਚ ਰੋਕ ਕੇ ਉਸ ਤੋਂ 40 ਰੁਪਏ ਅਤੇ ਮੋਬਾਈਲ ਖੋਹ ਕੇ ਲੈ ਗਏ। ਲਗਾਤਾਰ ਵਾਪਰ ਰਹੀਆਂ ਇਨ੍ਹਾਂ ਘਟਨਾਵਾਂ ਕਾਰਨ ਸ਼ਹਿਰ ਵਾਸੀਆਂ ਵਿੱਚ ਭਾਰੀ ਸਹਿਮ ਹੈ।