ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 25 ਜੁਲਾਈ
ਯੂਟੀ ਪ੍ਰਸ਼ਾਸਨ ਨੇ ਇੰਡਸਟਰੀਅਲ ਏਰੀਆ ਫੇਜ਼-1 ਸਥਿਤ ਦੋ ਵੱਡੀਆਂ ਵਪਾਰਕ ਕੰਪਲੈਕਸਾਂ ਦੇ ਆਕੂਪੇਸ਼ਨ (ਪੇਸ਼ੇ ਬਾਰੇ) ਸਰਟੀਫਿਕੇਟ ਰੱਦ ਕਰ ਦਿੱਤਾ ਹੈ। ਚੰਡੀਗੜ੍ਹ ਦੇ ਡਿਪਟੀ ਕਮਿਸ਼ਨਰ ਤੇ ਅਸਟੇਟ ਅਫ਼ਸਰ ਨੇ ਗੋਦਰੇਜ ਇਟਰਨੀਆ ਤੇ ਬਰਕਲੇ ਸਕੁਏਅਰ ਦੇ ਰੱਦ ਕਰ ਦਿੱਤੇ ਹਨ। ਇਹ ਕਾਰਵਾਈ ਵਾਤਾਵਰਨ ਕਲੀਅਰੈਂਸ ਨਾ ਹੋਣ ਕਰਕੇ ਅਤੇ ਇਮਾਰਤੀ ਨਿਯਮਾਂ ਦੀ ਉਲੰਘਣਾ ਕਰਨ ਕਰਕੇ ਕੀਤੀ ਗਈ ਹੈ। ਇਸ ਬਾਰੇ ਅਸਟੇਟ ਦਫ਼ਤਰ ਵੱਲੋਂ ਕਾਰਨ ਦੱਸੋ ਨੋਟਿਸ ਵੀ ਜਾਰੀ ਕੀਤੇ ਗਏ, ਪਰ ਠੋਸ ਜਵਾਬ ਨਾ ਮਿਲਣ ਕਰਕੇ ਦੋਵਾਂ ਕੰਪਲੈਕਸਾਂ ਦੇ ਸਰਟੀਫਿਕੇਟ ਰੱਦ ਕਰ ਦਿੱਤੇ ਹਨ। ਅਸਟੇਟ ਵਿਭਾਗ ਨੇ ਇਨਫੋਰਸਮੈਂਟ ਸ਼ਾਖਾ ਨੂੰ ਆਦੇਸ਼ ਦਿੱਤੇ ਕਿ ਦੋਵਾਂ ਕੰਪਲੈਕਸਾਂ ’ਤੇ ਬਣਦੀ ਕਾਰਵਾਈ ਕਰਕੇ ਇਕ ਹਫ਼ਤੇ ਵਿੱਚ ਆਪਣੀ ਰਿਪੋਰਟ ਦੇਣ।