ਪੱਤਰ ਪ੍ਰੇਰਕ
ਜ਼ੀਰਾ, 1 ਅਗਸਤ
ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਫਿਰੋਜ਼ਸ਼ਾਹ ਵਿੱਚ ਅੱਜ ਮੀਂਹ ਦੌਰਾਨ ਰਾਜਦੀਪ ਸਿੰਘ ਸਾਈਆਂ ਵਾਲਾ ਦੀ ਅਗਵਾਈ ਵਿੱਚ ਵਿਦਿਆਰਥੀਆਂ ਦੇ ਕਿਸ਼ਤੀ ਮੁਕਾਬਲੇ ਅਤੇ ਪਾਣੀ ’ਚ ਡੀਕਰੀਆਂ ਦੇ ਟੱਪੇ (ਬਾਜ਼ੀਆਂ) ਕਰਵਾਏ ਗਏ। ਇਨ੍ਹਾਂ ਮੁਕਾਬਲਿਆਂ ’ਚ ਅਧਿਆਪਕਾਂ ਨੇ ਵੀ ਭਾਗ ਲਿਆ। ਮੁਕਾਬਲਿਆਂ ਦਾ ਉਦਘਾਟਨ ਸਕੂਲ ਮੁਖੀ ਪੂਨਮ, ਪੂਜਾ ਚੱਢਾ, ਮਨਦੀਪ ਕੌਰ ਆਦਿ ਵੱਲੋਂ ਕੀਤਾ ਗਿਆ। ਮੁਕਾਬਲਿਆਂ ’ਚ ਨਵਜੋਤ ਕੌਰ, ਅਰਸ਼ਦੀਪ ਸਿੰਘ ਅੱਠਵੀਂ ਅਤੇ ਅਰਸ਼ਦੀਪ ਸਿੰਘ ਨੌਵੀਂ ਦੀਆਂ ਕਿਸ਼ਤੀਆਂ ਨੇ ਕ੍ਰਮਵਾਰ ਪਹਿਲਾ, ਦੂਜਾ ਅਤੇ ਤੀਜਾ ਸਥਾਨ ਹਾਸਲ ਕੀਤਾ ਗਿਆ। ਇਸੇ ਪ੍ਰਕਾਰ ਡਿਕਰੀਆਂ ਦੇ ਟੱਪੇ ਪਵਾਉਣ ’ਚ ਮੰਗਾ ਸਿੰਘ, ਅਭਿਜੀਤ ਅਤੇ ਸਹਿਜ ਨੇ ਕ੍ਰਮਵਾਰ ਪਹਿਲਾਂ, ਦੂਜਾ ਅਤੇ ਤੀਜਾ ਸਥਾਨ ਹਾਸਲ ਕੀਤਾ। ਰਜਨਦੀਪ ਕੌਰ ਅਤੇ ਸ਼ਸ਼ਾਂਕ ਮਿਸ਼ਰਾ ਦੀਆਂ ਕਿਸ਼ਤੀਆਂ ਉੱਤਮ ਚੁਣੀਆਂ ਗਈਆਂ। ਮੁਕਾਬਲਿਆਂ ਦੇ ਪ੍ਰਬੰਧਕ ਅਧਿਆਪਕ ਰਾਜਦੀਪ ਸਿੰਘ ਸੰਧੂ ਨੇ ਦੱਸਿਆ ਕਿ ਵਿਦਿਆਰਥੀਆਂ ਨੂੰ ਤਕਨੀਕੀ ਯੁੱਗ ਵਿੱਚ ਮੋਬਾਈਲ ਦੇ ਪ੍ਰਕੋਪ ਤੋਂ ਬਚਾਉਣ ਲਈ ਆਪਣੇ ਵਿਰਸੇ ਨਾਲ ਜੋੜਨ ਦੀ ਲੋੜ ਹੈ।