ਤਰਨ ਤਾਰਨ: ਪਿੰਡ ਬੁੱਗਾ ਦੇ ਵਾਸੀ ਮਲਕੀਤ ਸਿੰਘ ਨਾਲ ਇੱਕ ਜਾਅਲਸਾਜ਼ ਨੇ 37 ਲੱਖ ਰੁਪਏ ਦੀ ਠੱਗੀ ਮਾਰੀ ਹੈ| ਮੁਲਜ਼ਮ ਦੀ ਸ਼ਨਾਖਤ ਮੁਹਾਲੀ ਦੇ ਫੇਜ਼ ਨੰਬਰ 01, ਐੱਚ ਬੀ 160 ਵਾਸੀ ਰੋਹਿਤ ਸੈਣੀ ਵਜੋਂ ਹੋਈ ਹੈ| ਪੀੜਤ ਮਲਕੀਤ ਸਿੰਘ ਦੀ ਸ਼ਿਕਾਇਤ ’ਤੇ ਇਸ ਮਾਮਲੇ ਸਬੰਧੀ ਕੀਤੀ ਸ਼ਿਕਾਇਤ ਦੀ ਪੜਤਾਲ ਸਤਨਾਮ ਸਿੰਘ ਉਪ ਕਪਤਾਨ ਪੁਲੀਸ ਪੀਬੀਆਈ ਵੱਲੋਂ ਕੀਤੀ ਗਈ ਜਿਸ ਦੌਰਾਨ ਪਤਾ ਲੱਗਾ ਕਿ ਮੁਲਜ਼ਮ ਮਲਕੀਤ ਸਿੰਘ ਦੇ ਬੈਂਕ ਖਾਤਿਆਂ ਵਿੱਚੋਂ ਰੋਹਿਤ ਸੈਣੀ ਨੇ ਲੋਨ ਕਰਵਾ ਕੇ 37 ਲੱਖ ਰੁਪਏ ਦੀ ਠੱਗੀ ਮਾਰੀ ਹੈ। ਪੁਲੀਸ ਨੇ ਮਾਮਲੇ ਦੀ ਜਾਂਚ ਕਰ ਕੇ ਇਸ ਸਬੰਧੀ ਕੇਸ ਦਰਜ ਕਰ ਲਿਆ ਹੈ ਤੇ ਮੁਲਜ਼ਮ ਦੀ ਗ੍ਰਿਫ਼ਤਾਰੀ ਲਈ ਛਾਪੇ ਮਾਰੇ ਜਾ ਰਹੇ ਹਨ| -ਪੱਤਰ ਪ੍ਰੇਰਕ