ਨਵੀਂ ਟੀਹਰੀ: ਉੱਤਰਾਖੰਡ ਦੇ ਟੀਹਰੀ ਜ਼ਿਲ੍ਹਾ ਹੈੈੱਡਕੁਆਰਟਰ ਨੇੜੇ ਪਿੰਡ ਪਿੱਪਲੀ ’ਚ ਅੱਜ ਇੱਕ ਤੇਂਦੂਆ ਗਊਸ਼ਾਲਾ ’ਚ ਵੜਨ ਕਾਰਨ ਲੋਕਾਂ ’ਚ ਦਹਿਸ਼ਤ ਫੈਲ ਗਈ। ਵਣ ਵਿਭਾਗ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਵਿਭਾਗ ਦੀ ਟੀਮ ਨੇ ਕਈ ਘੰਟਿਆਂ ਦੀ ਮੁਸ਼ੱਕਤ ਮਗਰੋਂ ਦੋ-ਤਿੰਨ ਸਾਲਾਂ ਦੇ ਤੇਂਦੂਏ ਨੂੰ ਪਿੰਜਰੇ ’ਚ ਕੈਦ ਕਰ ਲਿਆ, ਜਿਸ ਮਗਰੋਂ ਇਲਾਕੇ ਦੇ ਲੋਕਾਂ ਨੇ ਸੁਖ ਦਾ ਸਾਹ ਲਿਆ। ਵਣ ਵਿਭਾਗ ਦੀ ਐੇੱਸਡੀਓ ਰਸ਼ਮੀ ਧਿਆਨੀ ਨੇ ਦੱਸਿਆ ਕਿ ਗਊਸ਼ਾਲਾ ’ਚ ਤੇਂਦੂਏ ਨੂੰ ਬੰਦ ਕੀਤੇ ਜਾਣ ਦੀ ਸੂਚਨਾ ਮਿਲੀ ਸੀ ਜਿਸ ਮਗਰੋਂ ਵਿਭਾਗ ਦੀ ਟੀਮ ਨੇ ਪਹੁੰਚ ਕੇ ਉਸ ਨੂੰ ਕਾਬੂ ਕਰ ਲਿਆ। -ਪੀਟੀਆਈ