ਪੱਤਰ ਪ੍ਰੇਰਕ
ਮਾਨਸਾ, 28 ਅਗਸਤ
ਨਹਿਰ ਅਤੇ ਗਰਾਊਂਡ ਵਾਟਰ ਮੰਡਲ, ਜਲ ਸਰੋਤ ਵਿਭਾਗ ਜਵਾਹਰਕੇ (ਮਾਨਸਾ) ਦੇ ਕਾਰਜਕਾਰੀ ਇੰਜਨੀਅਰ ਜਗਮੀਤ ਸਿੰਘ ਨੇ ਦੱਸਿਆ ਕਿ ਪਿਛਲੇ ਦਿਨੀਂ ਉੱਡਤ ਬਰਾਂਚ ਦੇ ਮਾਈਨਰ ਨੰਬਰ 4 ਅਤੇ 5 ਅਤੇ ਟੈਂਪਰਡ ਮੋਘਿਆਂ ਵਿੱਚ ਕੋਈ ਦਿੱਕਤ ਆ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਉਪ ਮੰਡਲ ਅਫ਼ਸਰ ਭੈਣੀ ਨਹਿਰ ਉਪ ਮੰਡਲ ਜਵਾਹਰਕੇ ਵੱਲੋਂ ਰਿਪੋਰਟ ਪੇਸ਼ ਕਰਕੇ ਦੱਸਿਆ ਕਿ ਉੱਡਤ ਬਰਾਂਚ ਦੇ ਮਾਈਨਰ ਨੰਬਰ 4 ਤੇ 5 ਅਤੇ ਟੈਂਪਰਡ ਮੋਘਿਆਂ ਨੂੰ ਠੀਕ ਕਰ ਦਿੱਤਾ ਗਿਆ ਹੈ ਅਤੇ ਇਸ ਉਪਰੰਤ ਨਹਿਰ ਵਿੱਚ ਪਾਣੀ ਫੁੱਲ ਸਪਲਾਈ ’ਤੇ ਚਲਾਇਆ ਗਿਆ ਹੈ।