ਪੱਤਰ ਪ੍ਰੇਰਕ
ਲਹਿਰਾਗਾਗਾ, 2 ਸਤੰਬਰ
ਨੇੜਲੇ ਪਿੰਡ ਲੇਹਲ ਖੁਰਦ ਵਿੱਚ ਸਾਬਕਾ ਸੂਬੇਦਾਰ ਤੇ ਮੌਜੂਦਾ ਅਹਿਮਦਾਬਾਦ ਵਿੱਚ ਸੀਨੀਅਰ ਮੈਨੇਜਰ ਸਿਕੰਦਰ ਸਿੰਘ ਦੇ ਘਰ ਚੋਰਾਂ ਨੇ ਸੋਨਾ, ਚਾਂਦੀ ਅਤੇ ਹੋਰ ਸਾਮਾਨ ਦੀਚੋਰੀ ਕਰ ਲਈ ਹੈ। ਸਿਕੰਦਰ ਸਿੰਘ ਨੇ ਦੱਸਿਆ ਕਿ ਉਹ ਇਸੇ ਸਾਲ ਫੌਜ ’ਚੋਂ ਸੇਵਾਮੁਕਤ ਹੋਇਆ ਸੀ ਅਤੇ ਅਹਿਮਦਾਬਾਦ ਦੀ ਇੱਕ ਕੰਪਨੀ ਵਿਚ ਸੀਨੀਅਰ ਮੈਨੇਜਰ ਵਜੋਂ ਨਿਯੁਕਤ ਹੈ ਪਰ ਉਸ ਦਾ ਸਾਮਾਨ ਪਿੰਡ ਲੇਹਲ ਖੁਰਦ ਵਿੱਚ ਸੀ। ਉਸਦੀ ਮਾਤਾ ਨਾਨਕੇ ਗਈ ਸੀ ਅਤੇ ਘਰ ਵਿੱਚ ਕੋਈ ਨਾ ਹੋਣ ਕਰਕੇ ਉਸਦੇ ਚਾਚੇ ਦਾ ਲੜਕਾ ਦੇਖਣ ਆਇਆ ਅਤੇ ਉਸ ਨੇ ਫ਼ੋਨ ’ਤੇ ਚੋਰੀ ਸਬੰਧੀ ਜਾਣਕਾਰੀ ਦਿੱਤੀ। ਚੋਰਾਂ ਨੇ ਪਿੱਤਲ ਦੇ ਸਾਰੇ ਭਾਂਡੇ, ਪੰਦਰਾਂ ਤੋਲੇ ਸੋਨਾ, ਚਾਂਦੀ ਪੰਚੀ ਤੋਲੇ ਅਤੇ ਹੋਰ ਸਾਮਾਨ ਚੋਰੀ ਕਰ ਲਿਆ ਹੈ। ਪੁਲੀਸ ਵੱਲੋਂ ਕੇਸ ਦਰਜ ਕਰ ਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।