ਪੱਤਰ ਪ੍ਰੇਰਕ
ਤਰਨ ਤਾਰਨ, 6 ਸਤੰਬਰ
ਥਾਣਾ ਸਰਾਏ ਅਮਾਨਤ ਖਾਂ ਅਤੇ ਸਰਹਾਲੀ ਦੀ ਪੁਲੀਸ ਨੇ ਆਪੋ-ਆਪਣੇ ਇਲਾਕੇ ’ਚੋਂ ਤਿੰਨ ਜਣਿਆਂ ਨੂੰ 230 ਗ੍ਰਾਮ ਹੈਰੋਇਨ ਸਣੇ ਗ੍ਰਿਫਤਾਰ ਕੀਤਾ ਹੈ| ਪੁਲੀਸ ਨੇ ਅੱਜ ਇਥੇ ਦੱਸਿਆ ਕਿ ਸੀ ਆਈ ਸਟਾਫ਼ ਦੀ ਤਰਨ ਤਾਰਨ ਪਾਰਟੀ ਨੇ ਸਬ ਇੰਸਪੈਕਟਰ ਸੁਖਦੇਵ ਸਿੰਘ ਦੀ ਅਗਵਾਈ ਵਿੱਚ ਸਰਹੱਦੀ ਖੇਤਰ ਦੇ ਪਿੰਡ ਛੀਨਾ ਭਿਧੀ ਚੰਦ ਨੇੜਿਓਂ ਉਸੇ ਪਿੰਡ ਦੇ ਵਸਨੀਕ ਹਰਪਾਲ ਸਿੰਘ ਭਾਲਾ ਅਤੇ ਦਲਵਿੰਦਰ ਸਿੰਘ ਦਿੰਦੂ ਨੂੰ 200 ਗ੍ਰਾਮ ਹੈਰੋਇਨ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ| ਇਸ ਦੇ ਨਾਲ ਹੀ ਥਾਣਾ ਸਰਹਾਲੀ ਦੀ ਪੁਲੀਸ ਨੇ ਨੌਸ਼ਹਿਰਾ ਪੰਨੂੰਆਂ ਨੇੜੇ ਖੇੜਾ ਪਿੰਡ ਦੀ ਸੜਕ ਤੋਂ ਸਰਹਾਲੀ ਦੀ ਪੱਤੀ ਦੇਵੇਕੀ ਦੇ ਵਸਨੀਕ ਗੁਰਦੇਵ ਸਿੰਘ ਤੋਂ 30 ਗ੍ਰਾਮ ਹੈਰੋਇਨ ਸਣੇ ਕਾਬੂ ਕੀਤਾ ਹੈ।
