ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 4 ਅਕਤੂਬਰ
ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਫਲੈਗਸਟਾਫ ਰੋਡ ਸਥਿਤ ਆਪਣੀ ਪੁਰਾਣੀ ਸਰਕਾਰੀ ਰਿਹਾਇਸ਼ ਖਾਲੀ ਕਰ ਦਿੱਤੀ ਹੈ। ਕੇਜਰੀਵਾਲ ਨੂੰ ਹੁਣ ਫ਼ਿਰੋਜ਼ਸਾਹ ਰੋਡ ’ਤੇ 5 ਨੰਬਰ ਬੰਗਲਾ ਅਲਾਟ ਕੀਤਾ ਗਿਆ ਹੈ। ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਕੇਜਰੀਵਾਲ ਅੱਜ ਆਪਣੀ ਪਤਨੀ ਸੁਨੀਤਾ ਕੇਜਰੀਵਾਲ ਅਤੇ ਬਜ਼ੁਰਗ ਮਾਤਾ-ਪਿਤਾ ਤੇ ਧੀ-ਪੁੱਤ ਨਾਲ ਨਵੀਂ ਰਿਹਾਇਸ਼ ਵਿਚ ਚਲੇ ਗਏ। ਇਸ ਤੋਂ ਪਹਿਲਾਂ ਕੇਜਰੀਵਾਲ ਪਰਿਵਾਰ ਨੇ ਪੁਰਾਣੇ ਘਰ ਵਿਚ ਹੋਰ ਸਟਾਫ਼ ਅਤੇ ਨੌਕਰਾਂ ਨਾਲ ਮੁਲਾਕਾਤ ਕੀਤੀ। ਕੇਜਰੀਵਾਲ ਪਰਿਵਾਰ ਦੋ ਕਾਰਾਂ ਵਿਚ ਨਵੇਂ ਘਰ ਲਈ ਰਵਾਨਾ ਹੋਇਆ।