ਨਵੀਂ ਦਿੱਲੀ:
ਖੁਰਾਕੀ ਵਸਤਾਂ ਖਾਸ ਕਰਕੇ ਸਬਜ਼ੀਆਂ ਦੀਆਂ ਕੀਮਤਾਂ ਦੇ ਸ਼ੂਟ ਵੱਟਣ ਨਾਲ ਸਤੰਬਰ ਮਹੀਨੇ ਥੋੋਕ ਕੀਮਤ ਸੂਚਕ ਅੰਕ (ਡਬਲਿਊਪੀਆਈ) ਅਧਾਰਿਤ ਮਹਿੰਗਾਈ 1.84 ਫੀਸਦ ਤੱਕ ਵਧ ਗਈ। ਸਰਕਾਰ ਵੱਲੋਂ ਅੱਜ ਜਾਰੀ ਅੰਕੜਿਆਂ ਮੁਤਾਬਕ ਡਬਲਿਊਪੀਆਈ ਅਧਾਰਿਤ ਮਹਿੰਗਾਈ ਅਗਸਤ ਵਿਚ 1.31 ਫੀਸਦ ਸੀ ਜਦੋਂ ਪਿਛਲੇ ਸਾਲ ਸਤੰਬਰ ਵਿਚ ਇਹ ਅੰਕੜਾ ਮਨਫ਼ੀ 0.07 ਫੀਸਦ ਸੀ। ਅਗਸਤ ਮਹੀਨੇ ਖੁਰਾਕੀ ਵਸਤਾਂ ਦੀ ਮਹਿੰਗਾਈ, ਜਿਹੜੀ 3.11 ਫੀਸਦ ਸੀ, ਉਹ ਪਿਛਲੇ ਮਹੀਨੇ 11.53 ਫੀਸਦ ਤੱਕ ਚੜ੍ਹ ਗਈ। ਸਤੰਬਰ ਵਿਚ ਸਬਜ਼ੀਆਂ ਦੀ ਮਹਿੰਗਾਈ ਦਰ 48.73 ਫੀਸਦ ਸੀ। -ਪੀਟੀਆਈ