ਜੈਤੋ:
ਸਿਲਵਰ ਓਕਸ ਸਕੂਲ ਸੇਵੇਵਾਲਾ ’ਚ 6ਵੀਂ ਤੇ 7ਵੀਂ ਕਲਾਸ ਦੇ ਵਿਦਿਆਰਥੀਆਂ ਦੇ ਸਲਾਦ ਦੀ ਸਜਾਵਟ ਕਰਨ ਦੇ ਮੁਕਾਬਲੇ ਕਰਵਾਏ ਗਏ। ਸਕੂਲ ਪ੍ਰਿੰਸੀਪਲ ਪ੍ਰਿਅੰਕਾ ਮਹਿਤਾ ਨੇ ਇਸ ਬਾਰੇ ਦੱਸਿਆ ਕਿ ਆਪਣੇ ਅਧਿਆਪਕਾਂ ਦੇ ਮਾਰਗ ਦਰਸ਼ਨ ਤਹਿਤ ਵਿਦਿਆਰਥੀਆਂ ਨੇ ਲਗਨ ਦੇ ਨਾਲ ਆਕਰਸ਼ਕ ਅਤੇ ਪੌਸ਼ਟਿਕ ਸਲਾਦ ਤਿਆਰ ਕਰ ਕੇ ਵਿਖਾਇਆ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਛੇਵੀਂ ਜਮਾਤ ਦੇ ਕ੍ਰਿਸ਼ਵ ਗੁਪਤਾ ਅਤੇ ਅਰਾਧਿਆ ਮਿੱਤਲ ਨੇ ਪਹਿਲਾ, ਗੁਰਵੀਰ ਕੌਰ ਨੇ ਦੂਜਾ ਅਤੇ ਸਵਰੀਤ ਕੌਰ ਨੇ ਤੀਜਾ ਮੁਕਾਮ ਹਾਸਲ ਕੀਤਾ। ਇਸੇ ਤਰ੍ਹਾਂ ਸੱਤਵੀਂ ਜਮਾਤ ’ਚੋਂ ਸਾਨਵੀ ਗੋਇਲ ਨੇ ਪਹਿਲਾ, ਪ੍ਰਭਜੋਤ ਕੌਰ ਨੇ ਦੂਜਾ ਅਤੇ ਯਸ਼ਰਾਜ ਸਿੰਘ ਬਰਾੜ ਤੇ ਜਸਕੀਰਤ ਸਿੰਘ ਬਰਾੜ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਪ੍ਰਿੰਸੀਪਲ ਪ੍ਰਿਅੰਕਾ ਮਹਿਤਾ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। -ਪੱਤਰ ਪ੍ਰੇਰਕ