ਪੰਚਕੂਲਾ:
ਕਾਲਕਾ ਦੇ ਬੇਟਨਾ ਕਸਬੇ ਦੀ ਸਰਕਾਰੀ ਆਈਟੀਆਈ ਫਾਰ ਵੂਮੈੱਨ ਵੱਲੋਂ ਪ੍ਰਿੰਸੀਪਲ ਰਾਜ ਬਾਲਾ ਦੀ ਅਗਵਾਈ ਹੇਠ ਸਾਲਾਨਾ ਇਨਾਮ ਵੰਡ ਸਮਾਗਮ ਕੀਤਾ ਗਿਆ। ਸਮਾਗਮ ’ਚ ਮੁੱਖ ਮਹਿਮਾਨ ਸੀਨੀਅਰ ਆਈਏਐੱਸ ਸੰਜੀਵ ਕੌਸ਼ਿਕ ਨੇ ਕਿਹਾ ਕਿ ਆਈਟੀਆਈ ਦੇ ਵਿਦਿਆਰਥੀਆਂ ਨੂੰ ਆਤਮਵਿਸ਼ਵਾਸ, ਆਤਮ ਸ਼ਕਤੀ, ਇਕਾਗਰਤਾ, ਸਮਰਪਣ ਅਤੇ ਸਖਤ ਮਿਹਨਤ ਨਾਲ ਆਪਣੇ ਟੀਚੇ ਨੂੰ ਪ੍ਰਾਪਤ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਇੱਕ ਸਫਲ ਮਹਿਲਾ ਸਮਾਜ ਲਈ ਬੇਹਤਰੀਨ ਸਮਾਜ ਦੀ ਸਿਰਜਨਾ ਕਰਨ ਸਕਦੀ ਹੈ। ਇਸ ਮੌਕੇ ਵਿਦਿਆਰਥਣਾਂ ਨੇ ਸੱਭਿਆਚਾਰਕ ਵੰਨਗੀਆਂ ਵੀ ਪੇਸ਼ ਕੀਤੀਆਂ। ਇਸ ਮੌਕੇ ਇੰਡਸਟਰੀਅਲ ਮੈਨੇਜਮੈਂਟ ਕਮੇਟੀ ਦੇ ਚੇਅਰਮੈਨ ਡਾ. ਰੇਸ਼ਵ ਸ਼ਰਮਾ, ਬਲਵੀਰ ਸਿੰਘ ਆਦਿ ਮੌਜੂਦ ਸਨ। -ਪੱਤਰ ਪ੍ਰੇਰਕ
