ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 3 ਨਵੰਬਰ
ਇੱਥੋਂ ਦੇ ਵਾਰਡ ਨੰਬਰ-23 ਅਧੀਨ ਪੈਂਦੇ ਸੈਕਟਰ-34 ਏ ਵਿੱਚ ਇਕ ਕੋਠੀ ਦੀ ਉਸਾਰੀ ਵੇਲੇ ਬੇਸਮੈਂਟ ਦੀ ਖੁਦਾਈ ਕਰਦਿਆਂ ਪਾਣੀ ਦੀ ਪਾਈਪ ਲਾਈਨ ਟੁੱਟ ਗਈ ਹੈ। ਪਾਣੀ ਦੀ ਪਾਈਪ ਲਾਈਨ ਟੁੱਟਣ ਕਰਕੇ ਸ਼ਹਿਰ ਦੇ ਸੈਕਟਰ- 20, 21, 31, 32, 44, 45, 45, ਬੁੜੈਲ, 46 ਤੇ 47 ਵਿੱਚ ਪਾਣੀ ਦੀ ਸਪਲਾਈ ਪ੍ਰਭਾਵਿਤ ਹੋ ਗਈ ਹੈ। ਇਸ ਬਾਰੇ ਜਾਣਕਾਰੀ ਮਿਲਦੇ ਹੀ ਚੰਡੀਗੜ੍ਹ ਨਗਰ ਨਿਗਮ ਦੀ ਟੀਮ ਨੇ ਪਾਈਪ ਲਾਈਨ ਦੀ ਰਿਪੇਅਰ ਦਾ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਨਿਗਮ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰਾਤ ਤੱਕ ਪਾਣੀ ਦੀ ਪਾਈਪ ਲਾਈਨ ਨੂੰ ਠੀਕ ਕਰ ਦਿੱਤਾ ਜਾਵੇਗਾ। ਦੂਜੇ ਪਾਸੇ ਇਲਾਕਾ ਕੌਂਸਲਰ ਪ੍ਰੇਮ ਲਤਾ ਨੇ ਮੌਕੇ ’ਤੇ ਪਹੁੰਚ ਕੇ ਜਾਇਜ਼ਾ ਲਿਆ। ਉਨ੍ਹਾਂ ਮੰਗ ਕੀਤੀ ਕਿ ਅਜਿਹੀ ਗਲਤੀ ਲਈ ਸਰਕਾਰੀ ਮਸ਼ੀਨਰੀ ’ਤੇ ਆਉਣ ਵਾਲੇ ਖਰਚ ਦੀ ਭਰਪਾਈ ਕਰਵਾਉਣੀ ਚਾਹੀਦੀ ਹੈ।
