ਵਾਇਨਾਡ, 19 ਨਵੰਬਰ
Accident News: ਸਬਰੀਮਾਲਾ ਮੰਦਰ ਤੋਂ ਭਗਵਾਨ ਅਯੱਪਾ ਦੇ ਸ਼ਰਧਾਲੂਆਂ ਨੂੰ ਲੈ ਕੇ ਜਾ ਰਹੀ ਇੱਕ ਬੱਸ ਵਾਇਨਾਡ ਦੇ ਤਿਰੁਨੇਲੀ ਨੇੜੇ ਪਲਟਣ ਕਾਰਨ 27 ਯਾਤਰੀ ਜ਼ਖਮੀ ਹੋ ਗਏ। ਪੁਲੀਸ ਅਧਿਕਾਰੀਆਂ ਨੇ ਦੱਸਿਆ ਕਿ ਮੁਤਾਬਕ ਬੱਸ ’ਚ ਦੋ ਬੱਚਿਆਂ ਸਮੇਤ 45 ਲੋਕ ਸਵਾਰ ਸਨ, ਜੋ ਕਿ ਸਬਰੀਮਾਲਾ ਮੰਦਰ ਦੇ ਦਰਸ਼ਨਾਂ ਤੋਂ ਬਾਅਦ ਮੈਸੂਰ ਦੇ ਹੰਸੂਰ ਵਾਪਸ ਜਾ ਰਹੀ ਸੀ। ਉਨ੍ਹਾਂ ਦੱਸਿਆ ਕਿ ਇਹ ਹਾਦਸਾ ਸਵੇਰੇ 6 ਵਜੇ ਦੇ ਕਰੀਬ ਵਾਪਰਿਆ।
ਜ਼ਖਮੀਆਂ ਨੂੰ ਤੁਰੰਤ ਵਾਇਨਾਡ ਦੇ ਮਨੰਤਵਾਦੀ ਮੈਡੀਕਲ ਕਾਲਜ ’ਚ ਦਾਖਲ ਕਰਵਾਇਆ ਗਿਆ ਅਤੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜ਼ਖਮੀ ਯਾਤਰੀਆਂ ਦੀ ਹਾਲਤ ਠੀਕ ਹੈ। ਜ਼ਿਕਰਯੋਗ ਹੈ ਕਿ ਮੰਦਰ ਨੇ 15 ਨਵੰਬਰ ਨੂੰ ਸਾਲਾਨਾ ਮੰਡਾਲਾ-ਮਕਰਵਿਲੱਕੂ ਤਿਉਹਾਰ ਦੀ ਸ਼ੁਰੂਆਤ ਦੇ ਮੱਦੇਨਜ਼ਰ ਸਾਲਾਨਾ ਤੀਰਥ ਯਾਤਰਾ ਸੀਜ਼ਨ ਦੀ ਸ਼ੁਰੂਆਤ ਲਈ ਦਰਵਾਜ਼ੇ ਖੋਲ੍ਹੇ ਸਨ। ਏਐੱਨਆਈ
