ਟਰੱਕ ਖੋਹਣ ਵਾਲੇ ਦੋ ਲੁਟੇਰੇ ਕਾਬੂ

ਜਲੰਧਰ: ਥਾਣਾ ਨੂਰਮਹਿਲ ਦੀ ਪੁਲੀਸ ਪਾਰਟੀ ਵੱਲੋਂ ਮੱਕੀ ਨਾਲ ਲੱਦਿਆ ਟਰੱਕ ਖੋਹਣ ਵਾਲੇ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਕੇ 380 ਬੋਰੀਆਂ ਸਣੇ ਟਰੱਕ ਬਰਾਮਦ ਕੀਤਾ ਗਿਆ ਹੈ। ਲੁਟੇਰਿਆਂ ਵਿੱਚੋਂ ਇੱਕ ਕੋਲੋਂ 490 ਨਸ਼ੀਲੀਆਂ ਗੋਲੀਆਂ ਬਰਾਮਦ ਕੀਤੀਆਂ ਗਈਆਂ ਹਨ। ਡੀਐੱਸਪੀ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਗੁਰਦੇਵ ਸਿੰਘ ਨੇ ਦੱਸਿਆ ਕਿ ਉਹ ਅੱਜ ਸਵੇਰੇ 3 ਵਜੇ ਉਹ ਦਾਣਾ ਮੰਡੀ ਸ਼ਾਹਕੋਟ ਤੋਂ ਬਾਘਾ ਪੁਰਾਣਾ ਨੂੰ ਰਵਾਨਾ ਹੋਇਆ ਸੀ। ਉਹ ਸ਼ਾਹਕੋਟ ਪਹੁੰਚੇ ਤਾਂ ਕਾਰ ਸਵਾਰਾਂ ਨੇ ਟਰੱਕ ਅੱਗੇ ਆ ਕੇ ਬਰੇਕ ਲਗਾ ਦਿੱਤੀ ਤੇ ਉਸ ਵਿੱਚੋਂ ਉੱਤਰੇ ਦੋ ਜਣੇ ਦਾਤਰ ਲੈ ਕੇ ਟਰੱਕ ਵੱਲ ਆ ਗਏ। ਹਥਿਆਰਬੰਦਾਂ ਨੇ ਸ਼ਿਕਾਇਤਕਰਤਾ ਤੇ ਉਸ ਦੇ ਸਹਾਇਕ ਕੋਲੋਂ ਟਰੱਕ ਖੋਹ ਲਿਆ। ਉਨ੍ਹਾਂ ਦੱਸਿਆ ਕਿ ਇਹ ਵਾਰਦਾਤ ਪੂਰਨ ਸਿੰਘ, ਜਸਪ੍ਰੀਤ ਸਿੰਘ ਜਸ਼ਨ ਅਤੇ ਤਾਰੀ ਨੇ ਕੀਤੀ ਹੈ। ਪੁਲੀਸ ਨੇ ਜਸਪ੍ਰੀਤ ਨੂੰ ਕਾਬੂ ਕਰ ਕੇ ਟਰੱਕ ਵਿੱਚੋਂ ਮੱਕੀ ਦੀਆਂ ਬੋਰੀਆਂ ਤੇ ਪੂਰਨ ਸਿੰਘ ਨੂੰ ਕਾਬੂ ਕਰ ਕੇ ਮਹਿੰਦਰਾ ਬੋਲੈਰੋ ਵਿੱਚੋਂ ਮੱਕੀ ਦੀਆਂ 46 ਬੋਰੀਆਂ, ਦਾਤਰ ਤੇ 490 ਨਸ਼ੀਲੀਆਂ ਗੋਲੀਆਂ ਬਰਾਮਦ ਕੀਤੀਆਂ ਹਨ। -ਪੱਤਰ ਪ੍ਰੇਰਕ