ਨਵੀਂ ਦਿੱਲੀ, 28 ਜੂਨ
ਦਿੱਲੀ ਦੇ ਲੁਟੀਅਨਜ਼ ਵਿੱਚ ਔਰੰਗਜ਼ੇਬ ਲੇਨ ਦਾ ਨਾਮ ਬਦਲ ਕੇ ਡਾ. ਏਪੀਜੇ ਅਬਦੁੱਲ ਕਲਾਮ ਲੇਨ ਕਰ ਦਿੱਤਾ ਗਿਆ ਹੈ। ਐੱਨਡੀਐੱਮਸੀ ਨੇ ਅੱਜ ਇਹ ਐਲਾਨ ਕੀਤਾ। ਨਵੀਂ ਦਿੱਲੀ ਮਿਉਂਸਿਪਲ ਕਾਰਪੋਰੇਸ਼ਨ ਦੇ ਮੈਂਬਰਾਂ ਦੀ ਮੀਟਿੰਗ ‘ਚ ਇਸ ਮਾਰਗ ਦਾ ਨਾਮ ਬਦਲਣ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਐੱਨਡੀਐੱਮਸੀ ਨੇ ਅਗਸਤ 2015 ਵਿੱਚ ਔਰੰਗਜ਼ੇਬ ਰੋਡ ਦਾ ਨਾਮ ਬਦਲ ਕੇ ਡਾ. ਏਪੀਜੇ ਅਬਦੁੱਲ ਕਲਾਮ ਕਰ ਦਿੱਤਾ ਸੀ। ਐੱਨਡੀਐੱਮਸੀ ਦੇ ਉਪ ਚੇਅਰਮੈਨ ਸਤੀਸ਼ ਉਪਾਧਿਆਏ ਨੇ ਕਿਹਾ, ”ਨਵੀਂ ਦਿੱਲੀ ਮਿਉਂਸਿਪਲ ਐਕਟ, 1994 ਦੀ ਧਾਰਾ 231 ਦੀ ਉਪ ਧਾਰਾ (1) ਦੇ ਕਲਾਜ਼ (ਏ) ਤਹਿਤ ‘ਔਰੰਗਜ਼ੇਬ ਲੇਨ’ ਦਾ ਨਾਮ ਬਦਲ ਕੇ ‘ਡਾ. ਏਪੀਜੇ ਅਬਦੁੱਲ ਕਲਾਮ ਲੇਨ’ ਕਰਨ ‘ਤੇ ਚਰਚਾ ਲਈ ਕੌਂਸਲ ਸਾਹਮਣੇ ਏਜੰਡਾ ਰੱਖਿਆ ਗਿਆ ਸੀ।” -ਪੀਟੀਆਈ
