ਅਸਤਾਨਾ (ਕਜ਼ਾਖ਼ਸਤਾਨ), 28 ਜੂਨ
ਭਾਰਤੀ ਮੁੱਕੇਬਾਜ਼ ਸੁਮਿਤ ਨੇ ਅੱਜ ਇਥੇ ਇਲੋਰਡਾ ਕੱਪ ਦੇ 86 ਕਿਲੋ ਭਾਰ ਵਰਗ ਦੇ ਕੁਆਰਟਫਾਈਨਲ ਮੁਕਾਬਲੇ ਵਿੱਚ ਕਜ਼ਾਖ਼ਸਤਾਨ ਦੇ ਬੇਕਜ਼ਾਤ ਟਾਂਗਾਤਰ ਨੂੰ 5-0 ਨਾਲ ਹਰਾ ਕੇ ਦੇਸ਼ ਲਈ ਕਾਂਸੇ ਦਾ ਤਗਮਾ ਪੱਕਾ ਕਰ ਲਿਆ ਹੈ। ਇਸੇ ਦੌਰਾਨ ਜੋਰਾਮ ਮੁਆਨਾ ਨੇ 51 ਕਿਲੋ ਭਾਰ ਵਰਗ ਦੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਸ਼ਾਨਦਾਰ ਤਕਨੀਕ ਦੀ ਵਰਤੋਂ ਕਰਦਿਆਂ ਕਜ਼ਾਖ਼ਸਤਾਨ ਦੇ ਮੁੱਕੇਬਾਜ਼ ਦਾਰਯਾਨ ਕੁਲਝਾਬਾਏਵ ‘ਤੇ 4-1 ਨਾਲ ਜਿੱਤ ਦਰਜ ਕੀਤੀ। ਕੁਆਰਟਰ ਫਾਈਨਲ ਵਿੱਚ ਉਸ ਦਾ ਅਗਲਾ ਮੁਕਾਬਲਾ ਟੋਕੀਓ ਓਲੰਪਿਕ ਵਿੱਚ ਕਾਂਸੇ ਦਾ ਤਗਮਾ ਜਿੱਤਣ ਵਾਲੇ ਕਜ਼ਾਖਸਤਾਨ ਦੇ ਮੁੱਕੇਬਾਜ਼ ਸਾਕੇਨ ਬਿਬੋਸਿਨੋਵ ਨਾਲ ਹੋਵੇਗਾ। ਸ਼ਿਵੇਂਦਰ ਕੌਰ, ਸੋਨੀਆ ਲਾਠੇਰ ਤੇ ਪੂਨਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। -ਪੀਟੀਆਈ
