ਰੂਪਨਗਰ (ਪੱਤਰ ਪ੍ਰੇਰਕ): ਸਥਾਨਕ ਪੁਲੀਸ ਨੇ ਇੱਕ ਨਕਲੀ ਟਿਕਟ ਚੈੱਕਰ ਨੂੰ ਕਾਬੂ ਕੀਤਾ ਹੈ, ਜਿਸ ਨੂੰ ਅਦਾਲਤ ਵਿੱਚ ਪੇਸ਼ ਕਰਨ ਉਪਰੰਤ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ਅਧੀਨ ਜੇਲ੍ਹ ਭੇਜ ਦਿੱਤਾ ਗਿਆ ਹੈ। ਰੇਲਵੇ ਪੁਲੀਸ ਚੌਕੀ ਦੇ ਇੰਚਾਰਜ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਉੱਤਰੀ ਰੇਲਵੇ ਦੇ ਸਰਹਿੰਦ ਸੈਕਸ਼ਨ ਦੇ ਟਿਕਟ ਚੈੱਕਰ ਦਿਨੇਸ਼ ਕੁਮਾਰ ਨੇ ਇਸ ਸਬੰਧੀ ਸ਼ਿਕਾਇਤ ਦਿੱਤੀ ਸੀ। ਇਸ ਸਬੰਧੀ ਅੱਜ ਸਰਹਿੰਦ-ਨੰਗਲ ਮਾਰਗ ‘ਤੇ ਰੇਲਗੱਡੀ ‘ਚ ਟਿਕਟ ਚੈੱਕਰ ਦੀ ਵਰਦੀ ਪਹਿਨੇ ਵਿਅਕਤੀ ਨੂੰ ਰੋਕਿਆ ਤਾਂ ਉਸ ਨੇ ਪਹਿਆਂ ਆਪਣਾ ਨਾਂ ਸੁਸ਼ੀਲ ਕੁਮਾਰ ਦੱਸਿਆ ਤੇ ਸ਼ਨਾਖਤੀ ਕਾਰਡ ਵੀ ਦਿਖਾਇਆ, ਪਰ ਜਦੋਂ ਉਸ ਤੋਂ ਸਖਤੀ ਨਾਲ ਪੁੱਛ-ਪੜਤਾਲ ਕੀਤੀ ਗਈ ਤਾਂ ਉਸ ਨੇ ਆਪਣਾ ਅਸਲੀ ਨਾਮ ਗਗਨ ਕੁਮਾਰ ਪੁੱਤਰ ਹੰਸ ਰਾਜ ਵਾਸੀ ਬਰਨਾਲਾ ਦੱਸਿਆ।
ਸਬੰਧਿਤ ਖ਼ਬਰਾਂ
