ਖੇਤਰੀ ਪ੍ਰਤੀਨਿਧ
ਅੰਮ੍ਰਿਤਸਰ, 28 ਜੁਲਾਈ
ਲੋਕਲ ਬੱਸਾਂ ਦੀ ਟਿਕਟ ਅਤੇ ਸਮਾਰਟ ਕਾਰਡਾਂ ਦੇ ਕਿਰਾਏ ਵਿੱਚ ਕਟੌਤੀ ਕੀਤੀ ਗਈ ਹੈ। ਸੀ.ਈ.ਓ ਪੰਜਾਬ ਬੱਸ ਮੈਟਰੋ ਸੁਸਾਇਟੀ ਅੰਮ੍ਰਿਤਸਰ ਨੇ ਦੱਸਿਆ ਕਿ ਅੰਮ੍ਰਿਤਸਰ ਰੇਲਵੇ ਸਟੇਸ਼ਨ ਤੋਂ ਪੁਰਾਣੀ ਚੁੰਗੀ, ਅਲਫਾ ਵਨ ਮਾਲ, ਮੁਸਤਫਾਬਾਦ, ਬੱਸ ਸਟੈਂਡ ਤੋਂ ਖਾਲਸਾ ਪਬਲਿਕ ਸਕੂਲ, ਰਾਮ ਬਾਗ, ਨਿਊ ਪ੍ਰੀਤ ਨਗਰ ਅਤੇ ਪੁਤਲੀਘਰ ਚੌਕ ਤੋਂ ਵਿਜੈ ਨਗਰ, ਛੇਹਰਟਾ ਚੌਕ, ਬੱਸ ਸਟੈਂਡ ਲਈ 5 ਰੁਪਏ ਅਤੇ ਅੰਮ੍ਰਿਤਸਰ ਰੇਲਵੇ ਸਟੇਸ਼ਨ ਤੋਂ ਇੰਡੀਆ ਗੇਟ, ਗੋਲਡਨ ਗੇਟ, ਵੇਰਕਾ ਨਹਿਰ, ਬੱਸ ਸਟੈਂਡ ਅੰਮ੍ਰਿਤਸਰ ਤੋਂ ਨਰਾਇਣਗੜ੍ਹ, ਵੇਰਕਾ ਨਹਿਰ ਅਤੇ ਪੁਤਲੀਘਰ ਚੌਕ ਤੋਂ ਇੰਡੀਆ ਗੇਟ, ਗੋਲਡਨ ਗੇਟ, ਵੇਰਕਾ ਨਹਿਰ ਲਈ ਕਿਰਾਇਆ 10 ਰੁਪਏ ਹੈ। ਸਮਾਰਟ ਕਾਰਡ ਹੋਲਡਰਾਂ ਲਈ ਕਿਰਾਏ ਵਿੱਚ 20 ਫੀਸਦੀ, ਸੀਨੀਅਰ ਸਿਟੀਜ਼ਨ ਅਤੇ ਦਿਵਿਆਂਗ ਵਿਅਕਤੀਆਂ ਦੇ ਕਿਰਾਏ ਵਿੱਚ 50 ਫੀਸਦੀ ਅਤੇ ਕਾਲਜ ਵਿਦਿਆਰਥੀਆਂ ਦੇ ਕਿਰਾਏ ਵਿੱਚ 66 ਫੀਸਦੀ ਕਟੌਤੀ ਕੀਤੀ ਗਈ ਹੈ।
