ਮਨੋਜ ਸ਼ਰਮਾ
ਬਠਿੰਡਾ, 7 ਅਗਸਤ
ਬਠਿੰਡਾ ਪ੍ਰੈੱਸ ਕਲੱਬ ਦੀ ਚੋਣ ਅਮਨ ਅਮਾਨ ਨਾਲ ਨੇਪਰੇ ਚੜ੍ਹ ਗਈ। ਪ੍ਰੈੱਸ ਕਲੱਬ ਦੀ ਪ੍ਰਧਾਨਗੀ ਲਈ ਨਵਾਂ ਜ਼ਮਾਨਾ ਦੇ ਸਟਾਫ਼ ਰਿਪੋਰਟਰ ਤੇ ਨਿਊਜ਼ ਵਿਸ਼ਲੇਸ਼ਕ ਤੇ ਟਿੱਪਣੀਕਾਰ ਬਖਤੌਰ ਢਿੱਲੋਂ ਨੂੰ ਪਹਿਲਾਂ ਹੀ ਚੁਣ ਲਿਆ ਗਿਆ ਸੀ। ਅੱਜ ਦੂਜੇ ਅਹੁਦੇਦਾਰਾਂ ਦੀ ਚੋਣ ਵਿੱਚ ਦਿ ਟ੍ਰਿਬਿਊਨ ਦੇ ਸੁਖਮੀਤ ਸਿੰਘ ਭਸੀਨ 45 ਵੋਟਾਂ ਲੈ ਕੇ ਸੀਨੀਅਰ ਮੀਤ ਪ੍ਰਧਾਨ ਬਣੇ ਜਦੋਂਕਿ ਡੀ ਫਾਈਵ -5 ਚੈਨਲ ਦੇ ਸੁਖਜਿੰਦਰ ਸਿੰਘ ਮਾਨ 33 ਵੋਟਾਂ ਪ੍ਰਾਪਤ ਕਰਦਿਆਂ ਵਾਈਸ ਪ੍ਰਧਾਨ ਦੇ ਅਹੁਦੇ ’ਤੇ ਕਾਬਜ਼ ਹੋਏ। ਇਸੇ ਤਰ੍ਹਾਂ 31 ਵੋਟਾਂ ਪ੍ਰਾਪਤ ਕਰਕੇ ਜਨਰਲ ਸੈਕਟਰੀ ਵਜੋਂ ਰੇਡੀਓ ਪੰਜਾਬ ਟੂਡੇ ਦੇ ਸਵਰਨ ਸਿੰਘ ਦਾਨੇਵਾਲੀਆ ਚੁਣੇ ਗਏ। ਸੈਕਟਰੀ ਦੇ ਅਹੁਦੇ ਦੀ ਚੋਣ ’ਤੇ ਟਾਈ ਰਹੀ ਜਿਸ ਦੌਰਾਨ ਜ਼ੀ ਮੀਡੀਆ ਗਰੁੱਪ ਦੇ ਕੁਲਬੀਰ ਬੀਰਾ ਅਤੇ ਜਾਗਰਣ ਗਰੁੱਪ ਦੇ ਗੁਰਤੇਜ ਸਿੱਧੂ ਦੀਆਂ ਵੋਟਾਂ 31-31 ਬਰਾਬਰ ਰਹਿਣ ਕਾਰਨ ਦੋਵਾਂ ਨੂੰ ਇੱਕ ਸਾਲ ਲਈ ਕ੍ਰਮਵਾਰ ਸੈਕਟਰੀ ਦੇ ਅਹੁਦੇ ਲਈ ਚੁਣ ਲਿਆ ਗਿਆ। ਜੁਆਇੰਟ ਸੈਕਟਰੀ ਦੇ ਅਹੁਦੇ ’ਤੇ ਬਿਕਰਮ ਬਿੰਨੀ ਕਾਬਜ਼ ਰਹੇ ਜਦਕਿ ਅਜੀਤ ਅਖ਼ਬਾਰ ਦੇ ਅਵਤਾਰ ਸਿੰਘ ਕੈਂਥ ਖਜ਼ਾਨਚੀ ਚੁਣੇ ਗਏ।
