ਬਠਿੰਡਾ: ਕੋਟ ਸ਼ਮੀਰ ਦੇ ਦੌੜਾਕ ਬਲਵਿੰਦਰ ਸਿੰਘ ਨੰਬਰਦਾਰ ਕੌਮੀ ਖੇਡ ਮੁਕਾਬਲਿਆਂ ਲਈ ਚੁਣੇ ਗਏ ਹਨ। 23 ਤੋਂ 25 ਅਕਤੂਬਰ ਤੱਕ ਮਸਤੂਆਣਾ ਸਾਹਿਬ ਕਾਲਜ (ਜ਼ਿਲ੍ਹਾ ਸੰਗਰੂਰ) ਵਿੱਚ ਅਥਲੀਟਾਂ ਦੇ ਟਰਾਇਲ ਹੋਏ ਸਨ। 55 ਸਾਲ ਤੋਂ ਵੱਧ ਉਮਰ ਵਰਗ ਦੇ ਦੌੜਾਕਾਂ ’ਚ ਬਲਵਿੰਦਰ ਸਿੰਘ ਨੇ 400, 800 ਅਤੇ 5000 ਮੀਟਰ ਦੌੜ ਵਿਚ (ਸਾਰਿਆਂ ਵਿੱਚ ਦੂਜਾ) ਸਥਾਨ ਲੈ ਕੇ ਕੌਮੀ ਮੁਕਾਬਲਿਆਂ ’ਚ ਭਾਗੀਦਾਰ ਬਣਨ ਦਾ ਮੁਕਾਮ ਹਾਸਲ ਕੀਤਾ। ਜ਼ਿਕਰਯੋਗ ਹੈ ਕਿ ਨੈਸ਼ਨਲ ਖੇਡਾਂ 27 ਤੋਂ 30 ਨਵੰਬਰ ਤੱਕ ਉੱਤਰ ਪ੍ਰਦੇਸ਼ ਦੇ ਵਾਰਾਣਸੀ ਵਿੱਚ ਹੋ ਰਹੀਆਂ ਹਨ। ਬਲਵਿੰਦਰ ਨੰਬਰਦਾਰ 20 ਸਾਲਾਂ ਤੋਂ ਮਾਸਟਰ ਖੇਡਾਂ ਵਿਚ ਭਾਗ ਲੈ ਕੇ ਰਾਸ਼ਟਰੀ ਅਤੇ ਅੰਤਰ-ਰਾਸ਼ਟਰੀ ਪੱਧਰ ’ਤੇ ਕਈ ਰਿਕਾਰਡ ਬਣਾ ਚੁੱਕਾ ਹੈ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
