ਬਠਿੰਡਾ (ਨਿਜੀ ਪੱਤਰ ਪ੍ਰੇਰਕ) ਪੰਜਾਬ ਪੁਲੀਸ ਦੇ ਓਸੀਸੀਯੂ (ਆਰਗੇਨਾਈਜ਼ਡ ਕਰਾਈਮ ਕੰਟਰੋਲ ਯੂਨਿਟ) ਵੱਲੋਂ ਕਥਿਤ ਧੋਖਾਧੜੀ ਦੇ ਮਾਮਲੇ ’ਚ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਯੂਨਿਟ ਦੇ ਡੀਐੱਸਪੀ ਵਿਭੌਰ ਕੁਮਾਰ ਨੇ ਦੱਸਿਆ ਕਿ ਪਿੰਡ ਜੋਗਾ (ਜ਼ਿਲ੍ਹਾ ਮਾਨਸਾ) ਦਾ ਅਵਤਾਰ ਸਿੰਘ ਹੈਰੀ 2014 ਤੋਂ ਭਗੌੜਾ ਸੀ। ਉਸ ’ਤੇ ਜੈਨਟਰਜ ਰਿਜ਼ੌਰਟ ਬਠਿੰਡਾ ’ਚੋਂ 5.43 ਲੱਖ ਰੁਪਏ ਦੀ ਹੇਰਾਫੇਰੀ ਕਰਕੇ ਫ਼ਰਾਰ ਹੋਣ ਦਾ ਦੋਸ਼ ਸੀ। ਉਸ ’ਤੇ ਥਾਣਾ ਕੈਨਾਲ ਕਲੋਨੀ ਬਠਿੰਡਾ ’ਚ 28 ਅਪਰੈਲ 2014 ਨੂੰ ਧਾਰਾ 408 ਤੇ 420 ਤਹਿਤ ਪਰਚਾ ਦਰਜ ਹੋਇਆ ਸੀ। ਉਸ ਤੋਂ ਬਾਅਦ ਉਹ ਮੁੰਬਈ ਰਹਿ ਕੇ ਗ੍ਰਿਫ਼ਤਾਰੀ ਤੋਂ ਬਚਦਾ ਆ ਰਿਹਾ ਸੀ। ਓਸੀਸੀਯੂ ਬਠਿੰਡਾ ਨੂੰ ਮੁਖ਼ਬਰ ਰਾਹੀਂ ਇਤਲਾਹ ਮਿਲੀ ਕਿ ਉਹ ਗਣਪਤੀ ਐਨਕਲੇਵ ਬਠਿੰਡਾ ਆਇਆ ਹੋਇਆ ਹੈ।
ਸਬੰਧਿਤ ਖ਼ਬਰਾਂ
