ਗੁਰਜੀਤ ਭੁੱਲਰ
ਰਾਮਪੁਰਾ ਫੂਲ, 18 ਅਕਤੂਬਰ
ਅੱਜ ਇਥੇ ਸੇਂਟ ਜ਼ੇਵੀਅਰ ਸਕੂਲ ਵਿੱਚ ਵੱਖ ਵੱਖ ਖੇਡ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਖੇਡਾਂ ਵਿਚ ਸਕੂਲ ਦੇ ਕੁੱਲ 160 ਬੱਚਿਆਂ ਨੇ ਜਿਵੇਂ ਫੁੱਟਬਾਲ, ਸਕੇਟਿੰਗ, ਤਲਵਾਰਬਾਜ਼ੀ, ਨੈੱਟਬਾਲ, ਸ਼ਤਰੰਜ, ਯੋਗ, ਸ਼ਾਟਪੁੱਟ ਅਤੇ ਬੈਡਮਿੰਟਨ ਵਿੱਚ ਹਿੱਸਾ ਲਿਆ। ਬੱਚਿਆਂ ਨੇ ਸੈਂਟਰ ਲੈਵਲ, ਜ਼ੋਨਲ ਲੈਵਲ, ਬਲਾਕ ਲੈਵਲ ਅਤੇ ਡਿਸਟ੍ਰਿਕਟ ਲੈਵਲ ਤੱਕ ਭਾਗ ਲੈਕੇ 146 ਸੋਨ, 85 ਚਾਂਦੀ ਤੇ 6 ਕਾਂਸੀ ਦੇ ਤਗਮਿਆਂ ਸਣੇ 6 ਟਰਾਫੀਆਂ ਜਿੱਤੀਆਂ। ਸਕੂਲ ਦੇ ਪ੍ਰਿੰਸੀਪਲ ਫਾਦਰ ਅਰਵਿਨ ਡਿਕੂਨਾ, ਸਕੂਲ ਦੇ ਮੈਨੇਜਰ ਫਾਦਰ ਐਂਡਰੀਓ ਫਰਨਾਂਡੇਜ਼, ਕੋਆਰਡੀਨੇਟਰਜ਼ ਮਨਪ੍ਰੀਤ ਕੌਰ ਜੁਲਕਾ ਅਤੇ ਪ੍ਰੇਮ ਲਤਾ ਨੇ ਪੀਟੀਈ ਗੁਰਪਿੰਦਰ ਸਿੰਘ ਭੁੱਲਰ, ਪਰਮਿੰਦਰ ਸਿੰਘ, ਅਮਨਦੀਪ ਕੌਰ ਅਤੇ ਰਜਨੀ ਨੂੰ ਵਧਾਈ ਦਿੱਤੀ ਅਤੇ ਬੱਚਿਆਂ ਦਾ ਹੌਸਲਾ ਵਧਾਇਆ।
