ਨਿੱਜੀ ਪੱਤਰ ਪ੍ਰੇਰਕ
ਮੰਡੀ ਗੋਬਿੰਦਗੜ੍ਹ, 10 ਫਰਵਰੀ
ਅਕਾਲੀ-ਬਸਪਾ ਦੇ ਉਮੀਦਵਾਰ ਗੁਰਪ੍ਰੀਤ ਸਿੰਘ ਰਾਜੂ ਖੰਨਾ ਤੇ ਹਲਕਾ ਪ੍ਰਧਾਨ ਗੁਰਜੀਤ ਸਿੰਘ ਕੋਟਲਾ ਦੀ ਅਗਵਾਈ ’ਚ ਅਕਾਲੀ ਦਲ ਦੇ ਆਈਟੀ ਵਿੰਗ ਦੇ ਸਰਕਲ ਪ੍ਰਧਾਨਾਂ ਦਾ ਐਲਾਨ ਕੀਤਾ ਹੈ। ਇਨ੍ਹਾਂ ’ਚ ਗੁਰਪੰਥ ਸਿੰਘ ਤੂਫਾਨ ਨੂੰ ਸਰਕਲ ਬੁੱਗਾ ਕਲਾਂ, ਗੁਰਸਿਮਰਨ ਸਿੰਘ ਅਰੋੜਾ ਅਮਲੋਹ ਸ਼ਹਿਰੀ, ਨਵਜੋਤ ਸਿੰਘ ਕਾਹਲੋ ਅਮਲੋਹ ਦਿਹਾਤੀ, ਕ੍ਰਿਸ਼ਨ ਕੁੰਭੜਾ ਨੂੰ ਮੰਡੀ ਗੋਬਿੰਦਗੜ੍ਹ ਦਿਹਾਤੀ ਜਦਕਿ ਰਮੇਸ਼ ਅਤੇ ਮਨੀ ਵੜੈਚ ਨੂੰ ਕ੍ਰਮਵਾਰ ਮੰਡੀ ਗੋਬਿੰਦਗੜ੍ਹ ਸ਼ਹਿਰੀ 1 ਤੇ ਸ਼ਹਿਰੀ 2 ਦਾ ਸਰਕਲ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਇਹ ਨਿਯੁਕਤੀਆਂ ਵਿੰਗ ਦੇ ਸੂੂਬਾ ਪ੍ਰਧਾਨ ਨਾਲ ਸਲਾਹ ਕਰਕੇ ਕੀਤੀਆਂ ਗਈਆਂ ਹਨ।
