ਨਿੱਜੀ ਪੱਤਰ ਪ੍ਰੇਰਕ
ਜ਼ੀਰਕਪੁਰ, 5 ਦਸੰਬਰ
ਪੀਰ ਮੁਛੱਲਾ ਵਿੱਚ ਬਾਸਕਟਬਾਲ ਖੇਡ ਮੇਲਾ ਕਰਵਾਇਆ ਗਿਆ। ਇਹ ਖੇਡ ਮੇਲਾ ਯੰਗ ਰਾਇਸਰਜ਼ ਬਾਸਕਟਬਾਲ ਅਕੈਡਮੀ ਵੱਲੋਂ ਕਰਵਾਇਆ ਗਿਆ। ਇਸ ਬਾਸਕਟਬਾਲ ਖੇਡ ਮੇਲੇ ਵਿੱਚ ਕੁੱਲ 60 ਟੀਮਾਂ ਨੇ ਹਿੱਸਾ ਲਿਆ। ਇਨ੍ਹਾਂ ਟੀਮਾਂ ਵਿੱਚ ਪੰਜਾਬ ਹਰਿਆਣਾ ਦੇ ਵੱਖ ਵੱਖ ਹਿੱਸਿਆਂ ਵਿੱਚੋਂ ਖਿਡਾਰੀ ਸ਼ਾਮਲ ਹੋਏ। ਪਹਿਲੇ ਦਿਨ ਦੇ ਅੰਦਰ 17 ਮੁਕਾਬਲੇ ਵਿਚ ਮੁੰਡਿਆਂ ਦੀਆਂ ਟੀਮਾਂ ਵਿੱਚੋਂ ਸਰਦੂਲਗੜ੍ਹ ਦੀ ਟੀਮ ਨੇ ਮੁਹਾਲੀ ਨੂੰ 13-8 ਦੇ ਫਰਕ ਨਾਲ ਹਰਾ ਕੇ 17 ਸਾਲਾ ਵਰਗ ਮੁੰਡਿਆ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਇਸੇ ਤਰਾਂ ਕੁੜੀਆਂ ਵਿੱਚੋਂ ਟੇਸਾ ਪੰਚਕੂਲਾ ਦੀ ਟੀਮ ਨੇ 10-3 ਤੋਂ ਲੋਹਗੜ੍ਹ ਟੀਮ ਨੂੰ ਹਰਾ ਜਿੱਤ ਹਾਸਲ ਕੀਤੀ। ਇਸ ਖੇਡ ਮੇਲੇ ਵਿੱਚ ਸਮਾਗਮ ਵਿੱਚ ਪਹਿਲੇ ਦਿਨ ਮੁੱਖ ਮਹਿਮਾਨ ਨੌਨਿਹਾਲ ਸਿੰਘ ਨਿੱਕੂ ਸੋਢੀ ਨੇ ਸ਼ਿਰਕਤ ਕਰਦਿਆਂ ਖਿਡਾਰੀਆਂ ਨੂੰ ਤੋਂ ਇਲਾਵਾ ਰਵੀ ਛਾਬੜਾ, ਜਯੋਤੀ ਗੁਪਤਾ, ਗਗਨ ਗੁਪਤਾ, ਜਤਿਨ ਅਰੋੜਾ ਤੇ ਮੇਘਾ ਬਾਵਾ ਪਹੁੰਚੇ ਹੋਏ ਸਨ। ਬਾਸਕਟਬਾਲ ਖੇਡ ਮੇਲੇ ਦੀ ਸਮਾਪਤੀ 6 ਦਸੰਬਰ ਨੂੰ ਹੋਵੇਗੀ।
