ਜਗਮੋਹਨ ਸਿੰਘ
ਰੂਪਨਗਰ, 7 ਜੂਨ
ਅੱਜ ਇਥੇ ਭਾਰਤੀ ਕਿਸਾਨ ਯੂਨੀਅਨ(ਲੱਖੋਵਾਲ) ਜ਼ਿਲ੍ਹਾ ਰੂਪਨਗਰ ਇਕਾਈ ਦੀ ਮੀਟਿੰਗ ਗੁਰੂਦੁਆਰਾ ਭੱਠਾ ਸਾਹਿਬ ਰੂਪਨਗਰ ’ਚ ਹੋਈ। ਜਥੇਬੰਦੀ ਦੇ ਜਨਰਲ ਸਕੱਤਰ ਹਰਿੰਦਰ ਸਿੰਘ ਲੱਖੋਵਾਲ, ਸੀਨੀਅਰ ਮੀਤ ਪ੍ਰਧਾਨ ਅਵਤਾਰ ਸਿੰਘ ਮੇਹਲੋਂ ਅੇ ਜ਼ਿਲ੍ਹਾ ਪ੍ਰਧਾਨ ਚਰਨ ਸਿੰਘ ਮੁੰਡੀਆਂ ਦੀ ਦੇਖ ਰੇਖ ਅਧੀਨ ਹੋਈ ਇਸ ਮੀਟਿੰਗ ਦੌਰਾਨ ਜ਼ਿਲ੍ਹਾ ਰੂਪਨਗਰ ਇਕਾਈ ਦੇ ਨਵੇਂ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ, ਜਿਸ ਦੌਰਾਨ ਸਰਬਸੰਮਤੀ ਨਾਲ ਦਲਜੀਤ ਸਿੰਘ ਚਲਾਕੀ ਨੂੰ ਜ਼ਿਲ੍ਹਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ, ਸਤਨਾਮ ਮਾਜਰੀ ਜੱਟਾਂ ਨੂੰ ਜਨਰਲ ਸਕੱਤਰ, ਅਵਤਾਰ ਸਿੰਘ ਪੁਰਖਾਲੀ, ਪ੍ਰੇਮ ਸਿੰਘ ਖਰੋਟਾ, ਹਰਪ੍ਰੀਤ ਇੰਦਰ ਸਿੰਘ ਜਟਾਣਾ ਅਤੇ ਕੇਹਰ ਸਿੰਘ ਅਮਰਾਲੀ ਨੂੰ ਮੀਤ ਪ੍ਰਧਾਨ ਬਣਾਇਆ ਗਿਆ। ਬੇਅੰਤ ਸਿੰਘ ਕਕਰਾਲੀ, ਕਰਨੈਲ ਸਿੰਘ ਹਰੀਪੁਰ, ਜਸਵੀਰ ਸਿੰਘ ਖਰੋਟਾ ਅਤੇ ਬਲਵਿੰਦਰ ਸਿੰਘ ਜਟਾਣਾ ਜੁਆਇੰਟ ਸਕੱਤਰ ਚੁਣੇ ਗਏ। ਚਰਨ ਸਿੰਘ ਮੁੰਡੀਆਂ, ਸੁਲਤਾਨ ਸਿੰਘ ਬੜੀ, ਕਰਨੈਲ ਸਿੰਘ ਡੂੰਮਛੇੜੀ ਤੇ ਪ੍ਰੀਤਮ ਸਿੰਘ ਆਸਪੁਰ ਸਲਾਹਕਾਰ ਚੁਣੇ ਗਏ। ਮਨਿੰਦਰਜੀਤ ਸਿੰਘ ਵਜੀਦਪੁਰ ਤੇ ਬੌਬੀ ਗਰੇਵਾਲ ਨੂੰ ਪ੍ਰੈੱਸ ਸਕੱਤਰ, ਕਰਨੈਲ ਸਿੰਘ ਰਸੀਦਪੁਰ ਨੂੰ ਵਿੱਤ ਸਕੱਤਰ ਚੁਣਿਆ।
