ਅਜੇ ਮਲਹੋਤਰਾ
ਬਸੀ ਪਠਾਣਾਂ, 4 ਅਪਰੈਲ
ਇੱਥੋਂ ਦੀ ਨਵਦੀਪ ਕੌਰ ਕੰਗ (40) ਨੇ 20ਵੀ ਰਾਸ਼ਟਰੀ ਪੈਰਾ ਅਥਲੈਟਿਕ ਚੈਂਪੀਅਨਸ਼ਿਪ ’ਚ ਸ਼ਾਟਪੁੱਟ ਵਿੱਚ ਸਿਲਵਰ ਮੈਡਲ ਜਿੱਤਿਆ। ਉੜੀਸਾ ਦੇ ਸ਼ਹਿਰ ਭੁਵਨੇਸ਼ਵਰ ਵਿੱਚ 28 ਤੋਂ 31 ਮਾਰਚ ਤੱਕ ਹੋਈ ਰਾਸ਼ਟਰੀ ਪੈਰਾ ਅਥਲੈਟਿਕ ਚੈਂਪੀਅਨਸ਼ਿਪ ਦੌਰਾਨ 14 ਸਾਲਾ ਲੜਕੀ ਦੀ ਮਾਂ ਨਵਦੀਪ ਕੌਰ ਕੰਗ ਨੇ 5.64 ਮੀਟਰ ਸ਼ਾਟਪੁੱਟ ਸੁੱਟ ਕੇ ਇਹ ਸਥਾਨ ਹਾਸਲ ਕੀਤਾ। ਜ਼ਿਕਰਯੋਗ ਹੈ ਕਿ ਸਾਲ 2010 ਵਿੱਚ ਹਾਦਸੇ ਦੌਰਾਨ ਡਾ.ਨਵਦੀਪ ਕੌਰ ਕੰਗ ਦੀ ਇੱਕ ਲੱਤ ਕੱਟ ਗਈ ਸੀ। ਨਵਦੀਪ ਕੌਰ ਬਸੀ ਪਠਾਣਾਂ ਦੇ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਅਧਿਆਪਕਾ ਹੈ।
ਨੂਰਪੁਰ ਬੇਦੀ (ਅਵਿਨਾਸ਼ ਕੁਮਾਰ): ਉੜੀਸਾ ਵਿੱਚ ਪੈਰਾ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਪੰਜਾਬ ਪੈਰਾ ਸਪੋਰਟਸ ਐਸੋਸੀਏਸ਼ਨ ਦੇ ਸੈਕਟਰੀ ਜਸਪ੍ਰੀਤ ਸਿੰਘ ਧਾਲੀਵਾਲ ਅਤੇ ਗਗਨਦੀਪ ਸਿੰਘ ਕੌਚ ਦੀ ਅਗਵਾਈ ਹੇਠ ਪੰਜਾਬ ਵਿੱਚੋਂ ਦਰਸ਼ਨਾ ਦੇਵੀ ਪਤਨੀ ਰਵੀ ਦੱਤ ਪਿੰਡ ਭਾਓਵਾਲ ਨੇ ਮਹਿਲਾ ਵਰਗ ਵਿੱਚ ਗੋਲਾ ਸੁੱਟਣ(ਸ਼ਾਟਪੁੱਟ) ਵਿੱਚ ਤੀਜਾ ਸਥਾਨ ਪ੍ਰਾਪਤ ਕੀਤਾ।
