ਖੇਤਰੀ ਪ੍ਰਤੀਨਿਧ
ਚੰਡੀਗੜ੍ਹ, 9 ਫ਼ਰਵਰੀ
ਚੰਡੀਗੜ੍ਹ ਹਾਊਸਿੰਗ ਬੋਰਡ ਨੇ ਰਿਹਾਇਸ਼ੀ ਅਤੇ ਵਪਾਰਕ ਇਕਾਈਆਂ ਨੂੰ ਵੇਚਣ ਲਈ ਈ-ਟੈਂਡਰ ਜਾਰੀ ਕੀਤਾ ਹੈ। ਇਸ ਈ-ਟੈਂਡਰ ਰਾਹੀਂ ਹਾਊਸਿੰਗ ਬੋਰਡ ਵੱਲੋਂ ਆਪਣੀਆਂ ਕੁੱਲ 143 ਇਕਾਈਆਂ ਨੂੰ ਵੇਚਿਆ ਜਾਵੇਗਾ। ਇਨ੍ਹਾਂ ਇਕਾਈਆਂ ਵਿੱਚ 10 ਫਰੀ ਹੋਲਡ ਅਤੇ 24 ਲੀਜ਼ ਹੋਲਡ ਰਿਹਾਇਸ਼ੀ ਇਕਾਈਆਂ ਸਮੇਤ 109 ਲੀਜ਼ ਹੋਲਡ ਵਪਾਰਕ ਇਕਾਈਆਂ ਸ਼ਾਮਲ ਹਨ। ਇਨ੍ਹਾਂ ਇਕਾਈਆਂ ਨੂੰ ਖਰੀਦਣ ਲਈ ਚਾਹਵਾਨ ਵਿਅਕਤੀ ਇਨ੍ਹਾਂ ਇਕਾਈਆਂ ਲਈ 11 ਤੋਂ 25 ਫ਼ਰਵਰੀ ਤੱਕ ਬੋਲੀ ਦਰਜ ਕਰਵਾ ਸਕਦੇ ਹਨ। ਇਸ ਤੋਂ ਬਾਅਦ 25 ਫ਼ਰਵਰੀ ਨੂੰ ਸਵੇਰੇ 10 ਵਜੇ ਤੱਕ ਲਿਸਟ ਜਾਰੀ ਕਰ ਦਿੱਤੀ ਜਾਵੇਗੀ। ਸਫਲ ਬੋਲੀਦਾਤਾ ਨੂੰ ਆਪਣੀ ਖਰੀਦੀ ਹੋਈ ਇਕਾਈ ਦੀ ਬੋਰਡ ਅਨੁਸਾਰ ਤੈਅ ਰਾਸ਼ੀ ਜਮ੍ਹਾਂ ਕਰਵਾਉਣੀ ਹੋਵੇਗੀ।
