ਖਰੜ: ਅੱਜ ਇਥੇ ਭਾਰਤੀ ਕਿਸਾਨ ਯੂਨੀਅਨ ਸਿੱਧੂਪਰ ਦੀ ਮੀਟਿੰਗ ਅਕਾਲੀ ਦਫਤਰ ਗੁਰਦੁਆਰੇ ਖਰੜ ਵਿੱਚ ਹੋਈ। ਮੀਟਿੰਗ ਵਿਚ ਸਰਬ ਸੰਮਤੀ ਨਾਲ ਰਣਜੀਤ ਸਿੰਘ ਬਾਸੀਆਂ ਨੂੰ ਪ੍ਰਧਾਨ, ਸੁਰਮੁੱਖ ਸਿੰਘ ਛੱਜੂਮਾਜਰਾ ਜਰਨਲ ਸਕੱਤਰ, ਰਾਜਵੀਰ ਸਿੰਘ ਨੱਗਲ ਸੀਨੀਅਰ ਮੀਤ ਪ੍ਰਧਾਨ, ਜਸਵਿੰਦਰ ਸਿੰਘ ਭੁੱਖੜੀ ਮੀਤ ਪ੍ਰਧਾਨ, ਹਕੀਕਤ ਸਿੰਘ ਘੜੂੰਆਂ ਪ੍ਰੈਸ ਸਕੱਤਰ, ਅਵਤਾਰ ਸਿੰਘ ਜੰਡਪੁਰ ਮੀਤ ਪ੍ਰਧਾਨ, ਗੁਰਜੰਟ ਸਿੰਘ ਨੂੰ ਸੰਗਠਨ ਸਕੱਤਰ ਬਣਾਇਆ ਗਿਆ ਅਤੇ ਕਾਰਜਕਾਰਨੀ ਦੇ ਸੱਤ ਮੈਂਬਰ ਬਣਾਏ ਗਏ। ਮੀਟਿੰਗ ਵਿਚ ਚੋਣ ਕਰਨ ਉਪਰੰਤ ਕਿਸਾਨਾਂ ਵੱਲੋਂ ਮਾਲ ਵਿਭਾਗ ਵਿੱਚ ਪਟਵਾਰੀਆਂ ਨੇ ਵਾਧੂ ਚਾਰਜ ਵਾਲੇ ਸਰਕਲਾਂ ਦਾ ਕੰਮ ਨਾ ਹੋਣ ਦੀ ਸਮੱਸਿਆ, ਸਰਕਾਰ ਵੱਲੋਂ ਗੰਨੇ ਦੀ ਅਦਾਇਗੀ, ਨਿੱਜੀ ਸ਼ੂਗਰ ਮਿਲਾਂ ਅਤੇ ਸਹਿਕਾਰੀ ਮਿੱਲਾ ਵੱਲ ਸੈਂਕੜੇ ਕਰੋੜ ਰੁਪਏ ਕਿਸਾਨਾਂ ਦੇ ਬਕਾਏ ਅਤੇ ਖਰੜ ਵਿੱਚ ਕਿਸਾਨਾਂ ਨੂੰ ਫਰਦ ਲੈਣ ਵਿੱਚ ਆਉਂਦੀ ਦਿੱਕਤ ਬਾਰੇ ਚਰਚਾ ਕੀਤੀ ਗਈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
