ਪੱਤਰ ਪ੍ਰੇਰਕ
ਪੰਚਕੂਲਾ, 31 ਅਗਸਤ
ਪੰਚਕੂਲਾ ਪੁਲੀਸ ਨੇ ਸੈਕਟਰ 20 ’ਚੋਂਲੰਡਨ ਸਿਰੀਜ਼ ਕ੍ਰਿਕੇਟ ਉੱਤੇ ਸੱਟਾਬਾਜ਼ੀ ਕਰਦਿਆਂ ਚਾਰ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਏਸੀਪੀ ਸੁਰਿੰਦਰ ਕੁਮਾਰ ਯਾਦਵ ਨੇ ਦੱਸਿਆ ਕਿ ਫੜ੍ਹੇ ਹੋਏ ਵਿਅਕਤੀਆਂ ਦੀ ਪਹਿਚਾਣ ਸਾਲੇਸ਼ ਕੁਮਾਰ, ਰੋਬਿਨ, ਵਿਸ਼ਾਲ ਚੁੱਗ ਤੇ ਭੀਮ ਸਿੰਘ ਵਜੋਂ ਹੋਈ ਹੈ। ਪੁਲੀਸ ਨੇ ਇਨ੍ਹਾਂ ਕੋਲੋਂ 26 ਮੁਬਾਈਲ ਫ਼ੋਨ, ਛੇ ਲੈਪਟੌਪ, ਇੱਕ ਐਲਈਡੀ ਸਕਰੀਨ ਅਤੇ 35 ਹਜ਼ਾਰ ਕੈਸ਼ ਬਰਾਮਦ ਕੀਤਾ ਹੈ। ਇਹ ਸਾਰੇ ਸੁਸਾਇਟੀ ਦੇ ਇੱਕ ਫਲੈਟ ਵਿੱਚ ਕ੍ਰਿਕਟ ਉੱਤੇ ਸੱਟਾਬਾਜ਼ੀ ਕਰ ਰਹੇ ਸਨ। ਸੈਕਟਰ 20 ਪੰਚਕੂਲਾ ਪੁਲੀਸ ਸਟੇਸ਼ਨ ’ਚ ਇਨ੍ਹਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਇਨ੍ਹਾਂ ਨੂੰ ਕ੍ਰਾਇਮ ਬ੍ਰਾਂਚ ਸੈਕਟਰ-26 ਦੀ ਟੀਮ ਨੇ ਗ੍ਰਿਫ਼ਤਾਰ ਕੀਤਾ ਹੈ।
