ਪੱਤਰ ਪ੍ਰੇਰਕ
ਲਾਲੜੂ, 6 ਅਗਸਤ
ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਅਧਿਆਪਕਾਂ ਦੀਆਂ ਪ੍ਰਤਿਭਾਵਾਂ ਨੂੰ ਉਜਾਗਰ ਕਰਨ ਦੇ ਉਦੇਸ਼ ਨਾਲ ਪਿਛਲੇ ਦਿਨੀਂ ਸਾਰੇ ਸਰਕਾਰੀ ਸਕੂਲਾਂ ਵਿਚ ਟੀਚਰ ਫੈਸਟ ਕਰਵਾਏ ਗਏ, ਜਿਸ ਵਿਚ ਅਧਿਆਪਕਾਂ ਨੇ ਆਪਣੀ ਪੜ੍ਹਾਉਣ ਦੀ ਵੱਖ-ਵੱਖ ਤਕਨੀਕਾਂ ਅਤੇ ਉਨ੍ਹਾਂ ਲਈ ਵਰਤੇ ਜਾਂਦੇ ਟੀ.ਐੱਲ.ਐੱਮ ਨੂੰ ਆਪਣੇ ਹੱਥੀਂ ਤਿਆਰ ਕੀਤਾ। ਇਸ ਫੈਸਟ ਵਿਚ ਸਰਕਾਰੀ ਹਾਈ ਸਕੂਲ ਦੱਪਰ ਦੀ ਪੰਜਾਬੀ ਅਧਿਆਪਕਾ ਗੁਤਿੰਦਰ ਕੌਰ ਨੇ ਪੰਜਾਬੀ ਮਾਡਲ ਮੁਕਾਬਲੇ ਵਿਚ ਬਲਾਕ ਪੱਧਰ ’ਤੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਸੇ ਸਕੂਲ ਦੀ ਗਣਿਤ ਅਧਿਆਪਕਾਂ ਚੀਨੂ ਅਗਰਵਾਲ ਨੇ ਗਣਿਤ ਮਾਡਲ ਮੁਕਾਬਲੇ ਅਤੇ ਏਕਤਾ ਨੇ ਹਿੰਦੀ ਲੇਖਣ ਕੈਲੀ ਗਰਾਫ਼ੀ ਵਿਚ ਬਲਾਕ ਪੱਧਰ ’ਤੇ ਪਹਿਲਾਂ ਸਥਾਨ ਹਾਸਲ ਕੀਤਾ। ਸਕੂਲ ਦੇ ਮੁੱਖ ਅਧਿਆਪਕ ਸੁਮਿਤ ਬਾਂਸਲ ਨੇ ਬਲਾਕ ਪੱਧਰ ’ਤੇ ਪਹਿਲਾ ਸਥਾਨ ਹਾਸਲ ਕਰਨ ਵਾਲੀ ਅਧਿਆਪਕਾਂ ਨੂੰ ਵਧਾਈ ਦਿੱਤੀ।
