ਪੱਤਰ ਪ੍ਰੇਰਕ
ਖਰੜ, 23 ਫਰਵਰੀ
ਸਿਟੀ ਪੁਲੀਸ ਨੇ ਅਨਾਜ ਮੰਡੀ ਬਡਾਲਾ ਰੋਡ ਨੇੜੇ ਸਥਿਤ ਸ਼ਰਾਬ ਦੇ ਠੇਕੇ ਦੇ ਕਰਿੰਦੇ ਨੂੰ ਕਿਰਚ ਦਿਖਾ ਕੇ ਗੱਲੇ ਵਿੱਚ ਪਏ 19500 ਰੁਪਏ ਚੋਰੀ ਕਰ ਲਏ। ਇਸ ਸਬੰਧੀ ਪੁਲੀਸ ਨੇ ਤਿੰਨ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਧਾਰਾ 382 ਆਈਪੀਸੀ ਅਧੀਨ ਕੇਸ ਦਰਜ ਕੀਤਾ ਹੈ।
ਇਸ ਸਬੰਧੀ ਹਰਪਾਲ ਸਿਘ ਨਾਂ ਦੇ ਵਿਅਕਤੀ ਨੇ ਪੁਲੀਸ ਨੂੰ ਸ਼ਿਕਾਇਤ ਕੀਤੀ ਕਿ ਉਹ ਅਨਾਜ ਮੰਡੀ ਨੇੜੇ ਬਡਾਲਾ ਰੋਡ ’ਤੇ ਸ਼ਰਾਬ ਦੇ ਠੇਕੇ ’ਤੇ ਕੰਮ ਕਰਦਾ ਹੈ। ਬੀਤੀ ਰਾਤ ਮੋਟਰਸਾਈਕਲ ’ਤੇ ਤਿੰਨ ਅਣਪਛਾਤੇ ਵਿਅਕਤੀ ਠੇਕੇ ਦੇ ਸਾਹਮਣੇ ਆਏ ਜਿਨ੍ਹਾਂ ਨੇ ਸਿਰ ’ਤੇ ਪਟਕੇ ਬੰਨ੍ਹੇ ਹੋਏ ਸੀ। ਇਨ੍ਹਾਂ ਵਿੱਚੋਂ ਇੱਕ ਨੇ ਸ਼ਰਾਬ ਦੀ ਬੋਤਲ ਮੰਗੀ। ਜਦੋਂ ਉਹ ਸ਼ਰਾਬ ਦੀ ਬੋਤਲ ਲੈਣ ਲਈ ਪਿੱਛੇ ਮੁੜਿਆ ਤਾਂ ਤਿੰਨੇ ਵਿਅਕਤੀ ਠੇਕੇ ਦੇ ਅੱਗੇ ਲੱਗੀਆਂ ਲੋਹੇ ਦੀਆਂ ਜਾਲੀਆਂ ਦੇ ਗੇਟ ਨੂੰ ਖੋਲ੍ਹ ਕੇ ਠੇਕੇ ਦੇ ਅੰਦਰ ਦਾਖਿਲ ਹੋ ਗਏ। ਇਨ੍ਹਾਂ ਨੌਜਵਾਨਾਂ ਨੂੰ ਉਸ ਨੂੰ ਕਿਰਚ ਦਿਖਾ ਕੇ ਉਸ ਦਾ ਉਸ ਦਾ ਪੈਸਿਆਂ ਵਾਲਾ ਗੱਲਾ ਚੁੱਕ ਲਿਆ ਅਤੇ ਉਹ ਮੋਟਰਸਾਈਕਲ ’ਤੇ ਫਰਾਰ ਹੋ ਗਏ।
