ਪੱਤਰ ਪੇ੍ਰਕ
ਪੰਚਕੂਲਾ, 14 ਅਕਤੂਬਰ
ਪੰਚਕੂਲਾ ਸਥਿਤ ਮਾਤਾ ਮਨਸਾ ਦੇਵੀ ਮੇਲਾ ਅੱਜ ਸਮਾਪਤ ਹੋ ਗਿਆ। ਕੰਨਿਆ ਪੂਜਣ ਤੋਂ ਬਾਅਦ ਮੇਲੇ ਦੀ ਸਮਾਪਤੀ ਕੀਤੀ ਗਈ। ਇਸ ਵਾਰ ਟ੍ਰਾਈਸਿਟੀ ਪੰਚਕੂਲਾ, ਮੁਹਾਲੀ ਅਤੇ ਚੰਡੀਗੜ੍ਹ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਪੰਜਾਬ ਦੇ ਮਾਲਵਾ ਖੇਤਰ ਤੋਂ ਆਏ ਸਨ। ਇਹ ਸ਼ਰਧਾਲੂ ਸੁਨਾਮ, ਸੰਗਰੂਰ, ਪਟਿਆਲਾ, ਮਾਨਸਾ, ਬੁੱਢਲਾਡਾ, ਬਠਿੰਡਾ ਅਤੇ ਬਰਨਾਲਾ ਤੋਂ ਆਏ। ਇਹਨਾਂ ਵਿੱਚੋਂ ਕਈਆਂ ਨੇ ਮੇਲੇ ਵਿੱਚ ਲੰਗਰ ਵੀ ਲਗਾਏ। ਪੂਜਾ ਸਥੱਲ ਬੋਰਡ ਦੇ ਮੁੱਖ ਪ੍ਰਸ਼ਾਸਕ-ਕਮ ਡਿਪਟੀ ਕਮਿਸ਼ਨਰ ਬਿਨੈ ਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਇਸ ਵਾਰ ਮੰਦਰ ਵਿੱਚ 25 ਲੱਖ ਰੁਪਏ ਕਰੀਬ ਚੜ੍ਹਾਵਾ ਚੜ੍ਹਿਆ। ਇਸ ਤੋਂ ਇਲਾਵਾ ਮੰਦਰ ਵਿੱਚ ਸੋਨੇ ਅਤੇ ਚਾਂਦੀ ਦੇ ਕਈ ਗਹਿਣੇ ਵੀ ਲੋਕਾਂ ਨੇ ਚੜ੍ਹਾਏ।
