ਪੱਤਰ ਪ੍ਰੇਰਕ
ਅਮਲੋਹ, 13 ਫਰਵਰੀ
ਸ਼੍ਰੋਮਣੀ ਅਕਾਲੀ ਦਲ-ਬਸਪਾ ਗੱਠਜੋੜ ਦੇ ਹਲਕਾ ਅਮਲੋਹ ਤੋਂ ਉਮੀਦਵਾਰ ਗੁਰਪ੍ਰੀਤ ਸਿੰਘ ਰਾਜੂ ਖੰਨਾ ਨੇ ਅੱਜ ਸਰਕਲ ਬੁੱਗਾ ਕਲਾਂ ਦੇ ਪਿੰਡ ਬਰੀਮਾ, ਬੁੱਗਾ ਕਲਾਂ, ਰਾਏਪੁਰ ਚੌਬਦਾਰਾ, ਤੰਦਾਂਬੱਧਾ ਕਲਾਂ, ਤੰਦਾਂਬੱਧਾ ਖੁਰਦ, ਕੋਟਲੀ, ਪਹੇੜੀ ਤੇ ਕਪੂਰਗੜ੍ਹ ਵਿੱਚ ਭਰਵੀਆਂ ਮੀਟਿੰਗਾਂ ਹਨ।
ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਨੇ ਝੂਠੇ ਵਾਅਦੇ ਕਰਕੇ ਲੋਕਾਂ ਨਾਲ ਠੱਗੀ ਮਾਰੀ ਹੈ, ਉੱਥੇ ਭਾਵਨਾਂਵਾਂ ਨਾਲ ਵੀ ਖਿਲਵਾੜ ਕੀਤਾ ਗਿਆ ਹੈ। ਜੇਕਰ ਕੈਪਟਨ ਨੂੰ ਹਟਾ ਕੇ ਚੰਨੀ ਅੱਗੇ ਕੀਤਾ ਗਿਆ ਹੈ, ਉਹ ਝੂਠ ਬੋਲਣ ਵਿਚ ਕੈਪਟਨ ਤੋਂ ਵੀ ਅੱਗੇ ਹਨ। ਰਾਜੂ ਖੰਨਾ ਨੇ ਕਿਹਾ ਕਿ ‘ਆਪ’ ਕੋਲ ਵੀ ਪੰਜਾਬ ਲਈ ਕੋਈ ਵੀ ਪ੍ਰੋਗਰਾਮ ਨਹੀਂ ਅਤੇ ਇਹ ਸਿਰਫ ਵੱਡੇ-ਵੱਡੇ ਸਬਜ਼ਬਾਗ ਦਿਖਾ ਕੇ ਲੋਕਾਂ ਨੂੰ ਭਰਮਾਉਣ ਦਾ ਯਤਨ ਕਰ ਰਹੀ ਹੈ। ਇਸ ਮੌਕੇ ਵੱਖ-ਵੱਖ ਪਿੰਡਾਂ ਵਿਚੋਂ ਕਈ ਪਰਿਵਾਰ ਕਾਂਗਰਸ ਤੇ ‘ਆਪ’ ਛੱਡ ਕੇ ਅਕਾਲੀ ਦਲ ’ਚ ਸ਼ਾਮਲ ਵੀ ਹੋਏ।
