ਪੀਪੀ ਵਰਮਾ
ਪੰਚਕੂਲਾ, 20 ਮਾਰਚ
ਇਥੋਂ ਦੇ ਸੈਕਟਰ-14 ਵਿੱਚ ਲੜਕੀਆਂ ਦੇ ਸਰਕਾਰੀ ਕਾਲਜ ਪੰਚਕੂਲਾ ਦੀਆਂ ਵਿਦਿਆਰਥਣਾਂ ਨੇ ਟਰੈਫਿਕ ਨਿਯਮਾਂ ਅਤੇ ਸੜਕ ਸੁਰੱਖਿਆ ਸਬੰਧੀ ਵਰਕਸ਼ਾਪ ਲਗਾ ਕੇ ਰੈਲੀ ਕੱਢੀ। ਰੈਲੀ ਨੂੰ ਕਾਲਜ ਦੀ ਪ੍ਰਿੰਸੀਪਲ ਸ੍ਰੀਮਤੀ ਬਬੀਤਾ ਵਰਮਾ ਨੇ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ। ਡਾ. ਅਦਰਸ਼ਦੀਪ ਕੌਰ ਨੇ ਦੱਸਿਆ ਕਿ ਵਿਦਿਆਰਥਣਾਂ ਨੇ ਇਸ ਦੌਰਾਨ ਰਾਹ ’ਤੇ ਜਾਂਦੇ ਲੋਕਾਂ ਨੂੰ ਸੜਕ ਸਬੰਧੀ ਜਾਗਰੂਕ ਕੀਤਾ। ਵਿਦਿਆਰਥਣਾਂ ਨੇ ਕਾਲਜ ਨਜ਼ਦੀਕ ਪਿੰਡ ਰੈਲੀ ਵਿੱਚ ਘਰ ਘਰ ਜਾ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ। ਵਰਕਸ਼ਾਪ ਵਿੱਚ ਗੰਭੀਰ ਸਿੰਘ ਸੁਪਰਵਾਈਜ਼ਰ ਬਿਰਧ ਆਸ਼ਰਮ ਪੰਚਕੂਲਾ ਅਤੇ ਨੀਲਮ ਕੌਸ਼ਿਕ ਰੈੱਡ ਕਰਾਸ ਅਧਿਕਾਰੀ ਨੇ ਮੁੱਢਲੀ ਸਹਾਇਤਾ ਬਾਰੇ ਜਾਣਕਾਰੀ ਦਿੱਤੀ। ਐੱਮਸੀ ਸ੍ਰੀਮਤੀ ਗੁਰਮੇਲ ਕੌਰ ਵੀ ਮੌਕੇ ਤੇ ਮੌਜੂਦ ਸੀ। ਸਮਾਰੋਹ ਦੇ ਅੰਤ ਵਿੱਚ ਨੋਡਲ ਅਫ਼ਸਰ ਸੁਸ਼ੀਲਾ ਰਾਣੀ ਨੇ ਸਾਰੇ ਦਾ ਧੰਨਵਾਦ ਕੀਤਾ। ਸਮਾਰੋਹ ਦੀ ਸੰਚਾਲਨ ਰੋਡ ਸੇਫਟੀ ਕਲੱਬ ਦੀ ਇੰਚਾਰਜ ਲਾਸ਼ਾ ਤਨਵਰ ਸਨ ਤੇ ਸ੍ਰੀਮਤੀ ਅੰਜੂ ਗੋਇਲ ਨੇ ਲੋਕਾਂ ਨੂੰ ਸੜਕ ਸਬੰਧੀ ਨਿਯਮਾਂ ਦੀ ਪਾਲਣਾ ਕਰਨ ਲਈ ਸਹੁੰ ਚੁਕਾਈ।
