ਪੱਤਰ ਪ੍ਰੇਰਕ
ਪੰਚਕੂਲਾ, 5 ਜਨਵਰੀ
ਪੰਚਕੂਲਾ ਦੀਆਂ ਨਗਰ ਨਿਗਮ ਚੋਣਾਂ ਵਿੱਚ 20 ਵਾਰਡਾਂ ਤੋਂ ਜੇਤੂ ਕੌਂਸਲਰਾਂ ਨੂੰ ਅੱਜ ਅੰਬਾਲਾ ਮੰਡਲ ਦੀ ਕਮਿਸ਼ਨਰ ਦੀਪਤੀ ਉਮਾਸ਼ੰਕਰ ਨੇ ਅੱਜ ਸਹੁੰ ਚੁਕਾਈ। ਇਹ ਸਮਾਰੋਹ ਪੰਚਕੂਲਾ ਦੇ ਪੀਡਬਲਯੂ ਗੈਸਟ ਹਾਊਸ ਵਿੱਚ ਹੋਇਆ। ਇਸ ਮੌਕੇ ਹਰਿਆਣਾ ਵਿਧਾਨ ਸਭਾ ਦੇ ਸਪੀਕਰ ਗਿਆਨ ਚੰਦ ਗੁਪਤਾ ਸ਼ਾਮਲ ਹੋਏ। ਸਮਾਗਮ ਵਿੱਚ ਅੱਜ ਸਭ ਤੋਂ ਪਹਿਲਾਂ ਮੇਅਰ ਕੁਲਭੂਸ਼ਨ ਗੋਇਲ ਨੇ ਸਹੁੰ ਚੁੱਕੀ। ਇਸ ਦੌਰਾਨ ਕੋਵਿਡ-19 ਸਬੰਧੀ ਨਿਯਮਾਂ ਦੀ ਪਾਲਣਾ ਨਹੀਂ ਕੀਤੀ ਗਈ। ਹਰਿਆਣਾ ਵਿਧਾਨ ਸਭਾ ਸਪੀਕਰ ਗਿਆਨ ਚੰਦ ਗੁਪਤਾ ਨੇ ਕਿਹਾ ਕਿ ਭਾਜਪਾ ਦੀ ਨਗਰ ਨਿਗਮ ਚੋਣਾਂ ਵਿੱਚ ਵੱਡੀ ਜਿੱਤ ਹੈ ਕਿਉਂਕਿ ਭਾਜਪਾ ਨੇ ਦੋਵੇਂ ਸੀਟਾਂ ਮੇਅਰ ਅਤੇ ਕਾਊਂਸਲਰਾਂ ਉੱਤੇ ਜਿੱਤੇ ਪ੍ਰਾਪਤ ਕੀਤੀ ਹੈ।
