ਪੱਤਰ ਪ੍ਰੇਰਕ
ਰੂਪਨਗਰ, 17 ਫਰਵਰੀ
ਵਿਧਾਨ ਸਭਾ ਹਲਕਾ ਚਮਕੌਰ ਸਾਹਿਬ ਤੋਂ ਉਮੀਦਵਾਰ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਹੱਕ ਵਿੱਚ ਤਿੰਨ ਰੋਡ ਸ਼ੋਅ ਬ੍ਰਾਹਮਣਮਾਜਰਾ, ਦਾਣਾ ਮੰਡੀ ਬੇਲਾ ਤੇ ਮੋਰਿੰਡਾ ਤੋਂ ਸ਼ੁਰੂ ਹੋ ਕੇ ਸ੍ਰੀ ਚਮਕੌਰ ਸਾਹਿਬ ਪੁੱਜਣਗੇ, ਜਿੱਥੇ ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਤੇ ਰਾਹੁਲ ਗਾਂਧੀ ਤੋਂ ਇਲਾਵਾ ਗਾਇਕ ਸਿੱਧੂ ਮੂਸੇਵਾਲਾ, ਐਮੀ ਵਿਰਕ ਤੇ ਨਿਮਰਤ ਖਹਿਰਾ ਸ੍ਰੀ ਚੰਨੀ ਲਈ ਲੋਕਾਂ ਦਾ ਸਹਿਯੋਗ ਮੰਗਣਗੇ। ਇਸੇ ਤਰ੍ਹਾਂ ਹਲਕਾ ਰੂਪਨਗਰ ਤੋਂ ਭਾਜਪਾ ਉਮੀਦਵਾਰ ਇਕਬਾਲ ਸਿੰਘ ਲਾਲਪੁਰਾ ਵੱਲੋਂ ਸਪਲਵਾ ਪਿੰਡ ਤੇ ਘਨੌਲੀ ਤੋਂ ਰੋਡ ਸ਼ੋਅ ਕੱਢੇ ਜਾਣਗੇ, ਇੱਥੇ ਗਾਇਕ ਹੰਸ ਰਾਜ ਹੰਸ ਤੇ ਜੱਸੀ ਜਸਰਾਜ ਲੋਕਾਂ ਦਾ ਸਹਿਯੋਗ ਮੰਗਣਗੇ।
