ਪੱਤਰ ਪ੍ਰੇਰਕ
ਚੰਡੀਗੜ੍ਹ, 11 ਫਰਵਰੀ
ਪੰਜਾਬ ’ਵਰਸਿਟੀ ਵਿੱਚ ਰੋਜ਼ ਫੈਸਟੀਵਲ ਦੇ ਤੀਜੇ ਦਿਨ ਰੋਜ਼ ਪ੍ਰਿੰਸ ਐਂਡ ਰੋਜ਼ ਪ੍ਰਿੰਸੈੱਸ ਤੇ ਫੈਂਸੀ ਡਰੈੱਸ ਮੁਕਾਬਲੇ ਕਰਵਾਏ ਗਏ। ਇਸ ਵਿਚ ਲੋਕਾਂ ਨੇ ਸ਼ਮੂਲੀਅਤ ਕੀਤੀ। ਡੀਨ ਆਫ ਯੂਨੀਵਰਸਿਟੀ ਇੰਸਟਰੱਕਸ਼ਨ ਪ੍ਰੋ. ਰੁਮੀਨਾ ਸੇਠੀ ਨੇ ਰੋਜ਼ ਪ੍ਰਿੰਸ ਅਤੇ ਰੋਜ਼ ਪ੍ਰਿੰਸੈੱਸ ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਤਾਜ ਪਹਿਨਾਇਆ। ਰੋਜ਼ ਪ੍ਰਿੰਸ ਮੁਕਾਬਲੇ ਵਿੱਚ, ਯੁਗਵ ਕਪੂਰ ਨੂੰ 0 ਤੋਂ 1 ਸਾਲ ਉਮਰ ਵਰਗ ਵਿੱਚ ਰੋਜ਼ ਪ੍ਰਿੰਸ ਦਾ ਤਾਜ, ਇਵਾਨ ਸ਼ਰਮਾ ਨੂੰ 1 ਤੋਂ 2 ਸਾਲ ਉਮਰ ਵਰਗ ਵਿੱਚ ਰੋਜ਼ ਪ੍ਰਿੰਸ ਦਾ ਤਾਜ ਅਤੇ ਮਹਿਰਾਂਸ਼ ਬਾਵਾ ਨੂੰ 2 ਤੋਂ 3 ਸਾਲ ਉਮਰ ਵਰਗ ਵਿੱਚ ਰੋਜ਼ ਪ੍ਰਿੰਸ ਦਾ ਤਾਜ ਪਹਿਨਾਇਆ ਗਿਆ। ਰੋਜ਼ ਪ੍ਰਿੰਸੈੱਸ ਮੁਕਾਬਲੇ ਵਿੱਚ ਅਨਾਇਰਾ ਸੋਨੀ ਨੂੰ 0 ਤੋਂ 1 ਸਾਲ ਉਮਰ ਵਰਗ ਵਿੱਚ ਰੋਜ਼ ਰਾਜਕੁਮਾਰੀ ਦਾ ਤਾਜ, ਅਨਾਇਆ ਸ਼ਾਰਦਾ ਨੂੰ 1 ਤੋਂ 2 ਸਾਲ ਉਮਰ ਵਰਗ ਵਿੱਚ ਅਤੇ ਸਰਗੁਣ ਸ਼ਰਮਾ ਨੂੰ 2 ਤੋਂ 3 ਸਾਲ ਉਮਰ ਵਰਗ ਵਿੱਚ ਰੋਜ਼ ਰਾਜਕੁਮਾਰੀ ਦਾ ਤਾਜ ਪਹਿਨਾਇਆ ਗਿਆ।
