ਫ਼ਤਹਿਗੜ੍ਹ ਸਾਹਿਬ: ਇਥੇ ਮਾਤਾ ਗੁਜਰੀ ਕਾਲਜ ਫ਼ਤਹਿਗੜ੍ਹ ਸਾਹਿਬ ਦੇ ਐੱਨਸੀਸੀ ਯੂਨਿਟ ਦੇ ਤੀਸਰੇ ਸਾਲ ਦੇ ਸੀਨੀਅਰ ਅੰਡਰ ਅਫ਼ਸਰ ਅੰਕਿਤ ਚਾਹਰ ਦੀ ਪੰਜਾਬ ਹਰਿਆਣਾ ਹਿਮਾਚਲ ਪ੍ਰਦੇਸ਼ ਚੰਡੀਗੜ੍ਹ ਐੱਨਸੀਸੀ ਡਾਇਰੈਕਟੋਰੇਟ ਵੱਲੋਂ ਥਲ ਸੈਨਿਕ ਕੈਂਪ ਲਈ ਚੋਣ ਹੋਈ ਹੈ। ਇਹ ਕੈਂਪ ਨੈਸ਼ਨਲ ਪੱਧਰ ’ਤੇ ਹਰ ਸਾਲ ਦਿੱਲੀ ’ਚ ਕਰਵਾਇਆ ਜਾਂਦਾ ਹੈ, ਜਿਸ ਵਿੱਚ ਭਾਰਤ ਦੀਆਂ 17 ਐੱਨਸੀਸੀ ਡਾਇਰੈਕਟੋਰੇਟ ਦੇ ਕੈਡਿਟ ਬੜੇ ਉਤਸ਼ਾਹ ਨਾਲ ਭਾਗ ਲੈਂਦੇ ਹਨ। 23 ਪੀਬੀਬੀਐੱਨ ਐੱਨਸੀਸੀ ਰੋਪੜ ਦੇ ਕਮਾਂਡਿੰਗ ਅਫ਼ਸਰ ਕਰਨਲ ਸ਼ਸ਼ੀ ਭੂਸ਼ਣ ਰਾਣਾ ਅਤੇ ਪ੍ਰਸ਼ਾਸਨਿਕ ਅਫ਼ਸਰ ਕਰਨਲ ਲਕਸ਼ਮੀਕਾਂਤ ਅਗਰਵਾਲ ਨੇ ਕੈਡਿਟ ਦੀ ਇਸ ਸ਼ਾਨਦਾਰ ਪ੍ਰਾਪਤੀ ਦੀ ਭਰਪੂਰ ਸ਼ਲਾਘਾ ਕੀਤੀ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
