ਨਿੱਜੀ ਪੱਤਰ ਪ੍ਰੇਰਕ
ਜ਼ੀਰਕਪੁਰ, 28 ਅਗਸਤ
ਇੱਥੋਂ ਦੇ ਕਿਸ਼ਨਪੁਰਾ ਦੀ ਇਕ ਸੁਸਾਇਟੀ ’ਚ ਇਕ ਹਲਕੇ ਹੋਏ ਕੁੱਤੇ ਨੇ ਇਕ ਅੱਠ ਸਾਲਾ ਬੱਚੇ ਸਣੇ ਚਾਰ ਜਣਿਆਂ ਨੂੰ ਵੱਢ ਲਿਆ ਹੈ। ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਇੱਥੋਂ ਦੇ ਕਿਸ਼ਨਪੁਰਾ ਖੇਤਰ ਸਥਿਤ ਜੀਐੱਮਐੱਸ ਹੋਮਜ਼ ਸੁਸਾਇਟੀ ’ਚ ਇਕ ਹਲਕੇ ਕੁੱਤੇ ਨੇ ਸੁਸਾਇਟੀ ਦੀ ਵਸਨੀਕ 50 ਸਾਲਾ ਦੀ ਸ਼ਾਂਤੀ ਦੇਵੀ, 50 ਸਾਲਾ ਦੀ ਅੰਜੂ, 20 ਸਾਲਾ ਦੀ ਮੁਸਕਾਨ ਅਤੇ 8 ਸਾਲਾ ਨੂੰ ਵੱਢ ਲਿਆ। ਜ਼ਖ਼ਮੀਆਂ ਨੂੰ ਪੰਚਕੂਲਾ ਦੇ ਸੈਕਟਰ 6 ਹਸਪਤਾਲ ਦਾਖਲ ਕਰਵਾਇਆ ਗਿਆ ਜਿੱਥੋਂ 50 ਸਾਲਾ ਸ਼ਾਂਤੀ ਦੇਵੀ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਸ ਪੀਜੀਆਈ ਚੰਡੀਗੜ੍ਹ ਰੈੱਫਰ ਕਰ ਦਿੱਤਾ ਗਿਆ। ਬਜ਼ੁਰਗ ਔਰਤ ਦੀ ਹਾਲਤ ਕਾਫੀ ਨਾਜ਼ੁਕ ਦੱਸੀ ਜਾ ਰਹੀ ਹੈ।
