ਨਿੱਜੀ ਪੱਤਰ ਪੇ੍ਰਕ
ਜ਼ੀਰਕਪੁਰ, 5 ਜਨਵਰੀ
ਇਥੋਂ ਦੇ ਭਬਾਤ ਖੇਤਰ ਅਧੀਨ ਆਉਂਦੀ ਖ਼ੁਸ਼ਹਾਲ ਐਨਕਲੇਵ ਕਲੋਨੀ ਵਿੱਚ ਚੋਰ ਇਕ ਘਰ ਦੇ ਤਾਲੇ ਤੋੜ ਕੇ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਨਕਦੀ ਚੋਰੀ ਕਰ ਕੇ ਲੈ ਗਏ। ਚੋਰਾਂ ਵੱਲੋਂ ਇਸ ਵਾਰਦਾਤ ਨੂੰ ਉਸ ਵੇਲੇ ਅੰਜਾਮ ਦਿੱਤਾ ਗਿਆ ਜਦ ਮਕਾਨ ਮਾਲਕ ਘਰ ਨੂੰ ਤਾਲਾ ਲਾ ਕੇ ਇਕ ਵਿਆਹ ਸਮਾਗਮ ਵਿੱਚ ਹਿੱਸਾ ਲੈਣ ਲਈ ਖੰਨਾ ਗਏ ਹੋਏ ਸੀ। ਮਕਾਨ ਮਾਲਕ ਨਵੀਨ ਕੁਮਾਰ ਨੇ ਦੱਸਿਆ ਕਿ ਉਹ ਆਪਣੇ ਪਰਿਵਾਰ ਨਾਲ ਘਰ ਨੂੰ ਤਾਲਾ ਲਾ ਕੇ ਖੰਨਾ ਇਕ ਵਿਆਹ ਸਮਾਗਮ ਵਿੱਚ ਹਿੱਸਾ ਲੈਣ ਲਈ ਗਿਆ ਸੀ। ਦੋ ਦਿਨ ਬਾਅਦ ਜਦ ਉਹ ਵਾਪਸ ਆਇਆ ਤਾਂ ਘਰ ਦੇ ਤਾਲੇ ਟੁੱਟੇ ਹੋਏ ਸਨ ਅਤੇ ਅੰਦਰ ਸਾਰਾ ਸਾਮਾਨ ਖਿੱਲਰਿਆ ਪਿਆ ਸੀ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਚੋਰ ਘਰ ਦੀ ਅਲਮਾਰੀ ਵਿੱਚ ਪਏ ਤਕਰੀਬਨ ਨੌਂ ਲੱਖ ਰੁਪਏ ਦੇ ਗਹਿਣੇ ਚੋਰੀ ਕਰ ਲੈ ਗਏ।
