ਪੱਤਰ ਪ੍ਰੇਰਕ
ਰੂਪਨਗਰ, 8 ਅਪਰੈਲ
ਪੁਲੀਸ ਨੇ 25 ਸਾਲਾ ਨੌਜਵਾਨ ਨੂੰ 7 ਪਿਸਤੌਲਾਂ ਤੇ 11 ਰੌਂਦਾਂ ਸਮੇਤ ਕਾਬੂ ਕੀਤਾ ਹੈ।
ਇਸ ਸਬੰਧੀ ਐੱਸ.ਐੱਸ.ਪੀ. (ਰੂਪਨਗਰ) ਡਾ. ਸੰਦੀਪ ਗਰਗ ਨੇ ਦੱਸਿਆ ਕਿ ਪੁਲੀਸ ਟੀਮ ਵੱਲੋਂ ਗੋਲੂ ਰਾਜਪੂਤ ਵਾਸੀ ਮਕਾਨ ਨੰਬਰ 156 ਗਲੀ ਨੰਬਰ 6 ਬਲਾਕ ਏ ਸ਼ਹੀਦ ਭਗਤ ਸਿੰਘ ਲੁਧਿਆਣਾ ਦੀ ਅਹਿਮਦਪੁਰ ਫਲਾਈਓਵਰ ਨੇੜੇ ਸ਼ੱਕ ਦੇ ਆਧਾਰ ’ਤੇ ਰੋਕ ਕੇ ਤਲਾਸ਼ੀ ਲਈ, ਇਸ ਦੌਰਾਨ ਮੁਲਜ਼ਮ ਕੋਲੋਂ 3 ਪਿਸਤੌਲ 32 ਬੋਰ, 1 ਦੇਸੀ ਕੱਟਾ 32 ਬੋਰ, 1 ਦੇਸੀ ਕੱਟਾ 12 ਬੋਰ, 2 ਦੇਸੀ ਕੱਟੇ 315 ਬੋਰ, 8 ਕਾਰਤੂਸ 32 ਬੋਰ, 1 ਕਾਰਤੂਸ 12 ਬੋਰ, 2 ਕਾਰਤੂਸ 315 ਬੋਰ ਬਰਾਮਦ ਕੀਤੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਵਿਰੁੱਧ ਥਾਣਾ ਸਦਰ ਰੂਪਨਗਰ ਵਿੱਚ ਕੇਸ ਦਰਜ ਕਰਕੇ ਪੁਲੀਸ ਰਿਮਾਂਡ ਹਾਸਲ ਕੀਤਾ ਜਾ ਰਿਹਾ ਹੈ।
