ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 27 ਨਵੰਬਰ
ਦਿੱਲੀ ਟਰਾਂਸਪੋਰਟ ਕਾਰਪੋਰੇਸ਼ਨ (ਡੀਟੀਸੀ) ਨੇ ਅੱਜ ਆਪਣੀ ਬੋਰਡ ਦੀ ਮੀਟਿੰਗ ਦੌਰਾਨ 1250 ਏਅਰ-ਕੰਡੀਸ਼ਨਡ ਬੀਐੱਸ-ਵੀਆਈ ਸਟੈਂਡਰਡ ਆਧਾਰਤ ਸੀਐੱਨਜੀ ਲੋ-ਫਲੋਰ ਬੱਸਾਂ ਖਰੀਦਣ ਦੇ ਮਤੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਬੋਰਡ ਦੀ ਬੈਠਕ ਦੀ ਅਗਵਾਈ ਟਰਾਂਸਪੋਰਟ ਮੰਤਰੀ ਕੈਲਾਸ਼ ਗਹਿਲੋਤ ਨੇ ਕੀਤੀ। ਇਹ ਬੀਐੱਸ-ਵੀ ਸਟੈਂਡਰਡ ਅਨੁਕੂਲ ਏਅਰ ਕੰਡੀਸ਼ਨਡ ਬੱਸਾਂ ਰੀਅਲ ਟਾਈਮ ਯਾਤਰੀ ਜਾਣਕਾਰੀ ਪ੍ਰਣਾਲੀ, ਸੀਸੀਟੀਵੀ, ਪੈਨਿਕ ਬਟਨ, ਜੀਪੀਐੱਸ ਤੇ ਹੋਰ ਸਹੂਲਤਾਂ ਨਾਲ ਲੈਸ ਹੋਣਗੀਆਂ। ਇਹ ਬੱਸਾਂ ਸਰੀਰਕ ਤੌਰ ’ਤੇ ਅਪਾਹਜ ਲੋਕਾਂ ਲਈ ਸਹੂਲਤਾਂ ਵੀ ਪ੍ਰਦਾਨ ਕਰਨਗੀਆਂ। ਭਾਰਤ ਪੜਾਅ (ਬੀਐੱਸ) ਇਕ ਨਿਕਾਸ ਦਾ ਮਿਆਰ ਹੈ, ਜੋ ਮੋਟਰ ਵਾਹਨਾਂ ’ਚੋਂ ਹਵਾ ਪ੍ਰਦੂਸ਼ਣ ਕਰਨ ਵਾਲੇ ਨਿਕਾਸ ਦੀ ਨਿਗਰਾਨੀ ਅਤੇ ਨਿਯੰਤਰਨ ਵਿਚ ਮਦਦਗਾਰ ਸਾਬਤ ਹੋ ਰਿਹਾ ਹੈ। ਇਸ ਵੇਲੇ ਡੀਟੀਸੀ ਤੇ ਦਿੱਲੀ ਇੰਟੈਗਰੇਟਡ ਮਲਟੀ-ਮਾਡਲ ਟਰਾਂਜਿਟ ਸਿਸਟਮ (ਡੀਆਈਐੱਮਟੀਐੱਸ) ਡੀਟੀਸੀ ਦੀਆਂ 62376262 ਬੱਸਾਂ ਵਾਲੀ ਦਿੱਲੀ ਵਿਚ 6060601 ਬੱਸਾਂ ਚਲਾਉਂਦੇ ਹਨ। ਪਿਛਲੇ 2 ਸਾਲਾਂ ਵਿੱਚ, ਦਿੱਲੀ ਦੇ ਬੱਸ ਬੇੜੇ ਵਿੱਚ 1,681 ਨਵੀਆਂ ਬੱਸਾਂ ਸ਼ਾਮਲ ਕੀਤੀਆਂ ਗਈਆਂ ਹਨ। ਮੰਤਰੀ ਪਰਿਸ਼ਦ ਦੁਆਰਾ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਮਿਲਣ ਤੋਂ ਬਾਅਦ ਇਨ੍ਹਾਂ ਨੀਵੀਂ-ਫਲੋਰ ਬੱਸਾਂ ਦੇ ਇਸਤੇਮਾਲ ਦਾ ਤਰੀਕਾ ਸਾਫ਼ ਹੋ ਜਾਵੇਗਾ। ਇਨ੍ਹਾਂ 1,250 ਬੱਸਾਂ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਡੀਟੀਸੀ ਤੇ ਡੀਆਈਐੱਮਟੀਐੱਸ ਦੁਆਰਾ ਚਲਾਏ ਜਾਣ ਵਾਲੀਆਂ ਬੱਸਾਂ ਦੀ ਕੁਲ ਗਿਣਤੀ 7,851 ਹੋਵੇਗੀ। ਟਰਾਂਸਪੋਰਟ ਮੰਤਰੀ ਕੈਲਾਸ਼ ਗਹਿਲੋਤ ਨੇ ਇੱਕ ਬਿਆਨ ਵਿੱਚ ਕਿਹਾ, ‘ਦਿੱਲੀ ਸਰਕਾਰ ਮੁੱਖ ਮੰਤਰੀ ਦੀ ਅਗਵਾਈ ਵਿੱਚ ਵਾਤਾਵਰਨ ਪ੍ਰਦੂਸ਼ਣ ਨੂੰ ਘਟਾਉਣ ਦੇ ਨਾਲ ਨਾਲ ਆਪਣੀ ਜਨਤਕ ਆਵਾਜਾਈ ਪ੍ਰਣਾਲੀ ਨੂੰ ਲਗਾਤਾਰ ਮਜ਼ਬੂਤ ਕਰਨ ਲਈ ਵਚਨਬੱਧ ਹੈ। ਇਸ ਦਿਸ਼ਾ ਵਿਚ ਇਕ ਅਹਿਮ ਫ਼ੈਸਲੇ ਵਜੋਂ ਡੀਟੀਸੀ ਬੋਰਡ ਨੇ ਅੱਜ 1,250 ਲੋਅ-ਫਲੋਰ ਏਸੀਸੀਜੀ ਬੱਸਾਂ ਨੂੰ ਸ਼ਾਮਲ ਕਰਨ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।’
