ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 16 ਮਾਰਚ
ਸ੍ਰੀ ਗੁਰੂ ਤੇਗ਼ ਬਹਾਦਰ ਖ਼ਾਲਸਾ ਕਾਲਜ ਦਿੱਲੀ ਯੂਨੀਵਰਸਿਟੀ ਵਿਚ ਐੱਨਸੀਸੀ ਵਿੰਗ ਵੱਲੋਂ ਸਨਮਾਨ ਸਮਾਰੋਹ ਕਰਵਾਇਆ ਗਿਆ। ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਾਲਜ ਦੇ ਪ੍ਰਿੰਸੀਪਲ ਡਾ. ਜਸਵਿੰਦਰ ਸਿੰਘ ਅਤੇ ਡਾ. ਪੀਐੱਸ. ਜੱਸਲ ਨੇ ਕੀਤੀ। ਡਾ. ਜਸਵਿੰਦਰ ਸਿੰਘ ਨੇ ਵਾਲੰਟੀਅਰਾਂ ਦੇ ਉਨ੍ਹਾਂ ਦੇ ਚੰਗੇ ਭਵਿੱਖ ਦੀ ਕਾਮਨਾ ਕੀਤੀ। ਸਮਾਰੋਹ ਵਿਚ ਕਾਲਜ ਦੀਆਂ ਦੋ ਗਰਲਜ਼ ਐੱਨਸੀਸੀ ਕੈਡੇਟਸ ਅਕਾਂਸ਼ਾ ਅਤੇ ਅਕਸ਼ਿਤਾ ਨੇ ਆਰਮੀ ਅਤੇ ਏਅਰਫ਼ੋਰਸ ਨੂੰ ਜੁਆਇਨ ਕੀਤਾ ਹੈ। ਇਸ ਦੇ ਨਾਲ ਹੀ ਮਨਦੀਪ ਸਿੰਘ ਗਿੱਲ ਅਤੇ ਮਿਹਰ ਕੌਰ ਗਰੋਵਰ ਨੇ ਏਅਰਫ਼ੋਰਸ ਅਤੇ ਅੱਤੁਲ ਤਿਆਗੀ ਤੇ ਅਭੀ ਸ਼ਰਮਾ ਆਈਐੱਮਏ ਨੂੰ ਆਪਣੀਆਂ ਸੇਵਾਵਾਂ ਦੇ ਰਹੇ ਹਨ। ਐੱਨਸੀਸੀ ਦੇ ਕੈਪਟਨ ਡਾ. ਗੁਰਿੰਦਰ ਸਿੰਘ ਅਤੇ ਡਾ. ਨਿੰਮੀ ਸਿੰਘ, ਇਨ੍ਹਾਂ ਗਰਲਜ਼ ਕੈਡੇਟਸ ਤੋਂ ਬਿਨਾਂ ਵੀ ਕੁੱਝ ਸੀਨੀਅਰ ਕੈਡੇਟਸ ਦਾ ਵੀ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਡਾ. ਰਵਿੰਦਰ ਕੌਰ ਬੇਦੀ, ਸੁਨੀਲ, ਡਾ. ਇੰਦਰਦੀਪ ਕੌਰ, ਡਾ. ਗੁਰਪ੍ਰੀਤ ਕੌਰ, ਡਾ. ਗੁਰਦੀਪ ਕੌਰ ਅਤੇ ਕਰਨਜੀਤ ਸਿੰਘ ਮੌਜੂਦ ਸਨ।
