ਨਵੀਂ ਦਿੱਲੀ:
ਦਿੱਲੀ ਹਾਈ ਕੋਰਟ ਨੇ ਕਿਹਾ ਹੈ ਕਿ ‘ਆਪ’ ਹੋਰ ਕੌਮੀ ਪਾਰਟੀਆਂ ਵਾਂਗ ਦਫ਼ਤਰ ਲਈ ਥਾਂ ਲੈਣ ਦੀ ਹੱਕਦਾਰ ਹੈ। ਹਾਈ ਕੋਰਟ ਨੇ ਕੇਂਦਰ ਨੂੰ ਕਿਹਾ ਕਿ ਉਹ ‘ਆਪ’ ਨੂੰ ਥਾਂ ਦੇਣ ਬਾਰੇ ਛੇ ਹਫ਼ਤਿਆਂ ’ਚ ਫ਼ੈਸਲਾ ਲਵੇ। ਜਸਟਿਸ ਸੁਬਰਾਮਣਿਅਮ ਪ੍ਰਸਾਦ ਨੇ ਕਿਹਾ ਕਿ ਕੌਮੀ ਪਾਰਟੀਆਂ ਨੂੰ ਦਿੱਲੀ ’ਚ ਆਪਣੇ ਦਫ਼ਤਰ ਲਈ ਜਨਰਲ ਪੂਲ ’ਚੋਂ ਇਕ ਹਾਊਸਿੰਗ ਇਕਾਈ ਲੈਣ ਦਾ ਪੂਰਾ ਹੱਕ ਹੈ। ਜੱਜ ਨੇ ਕਿਹਾ ਕਿ ਦਬਾਅ ਜਾਂ ਜਨਰਲ ਪੂਲ ’ਚ ਇਕਾਈ ਦੀ ਉਪਲੱਬਧਤਾ ਨਾ ਹੋਣ ’ਤੇ ਇਸ ਬੇਨਤੀ ਨੂੰ ਨਕਾਰਨ ਦਾ ਕਾਰਨ ਨਹੀਂ ਦੱਸਿਆ ਜਾ ਸਕਦਾ ਹੈ। -ਪੀਟੀਆਈ