ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 18 ਸਤੰਬਰ
ਦਿੱਲੀ ਪੁਲੀਸ ਨੇ ਕੋਵਿਡ -19 ਨਾਲ ਸਬੰਧਤ ਵੱਖ-ਵੱਖ ਦਿਸ਼ਾ-ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਲਈ ਇਸ ਸਾਲ 19 ਅਪਰੈਲ ਤੇ 17 ਸਤੰਬਰ ਦੇ ਵਿਚਕਾਰ ਹੁਣ ਤੱਕ 2.90 ਲੱਖ ਤੋਂ ਵੱਧ ਚਲਾਨ ਜਾਰੀ ਕੀਤੇ ਹਨ ਜਿਨ੍ਹਾਂ ਵਿੱਚੋਂ ਵੱਧ ਤੋਂ ਵੱਧ ਉਨ੍ਹਾਂ ਲੋਕਾਂ ਨੂੰ ਜਾਰੀ ਕੀਤੇ ਗਏ ਜਿਨ੍ਹਾਂ ਨੇ ਮਾਸਕ ਨਹੀਂ ਪਹਿਨੇ ਹੋਏ ਸਨ। ਵਧੀਕ ਦਿੱਲੀ ਪੁਲੀਸ ਦੇ ਪੀਆਰਓ ਅਨਿਲ ਮਿੱਤਲ ਦੁਆਰਾ ਸਾਂਝੇ ਕੀਤੇ ਗਏ ਅੰਕੜਿਆਂ ਅਨੁਸਾਰ ਰਾਸ਼ਟਰੀ ਰਾਜਧਾਨੀ ਵਿੱਚ ਕੋਵਿਡ ਨਾਲ ਸਬੰਧਤ ਵੱਖ-ਵੱਖ ਉਲੰਘਣਾਵਾਂ ਦੇ ਲਈ 2,91,423 ਚਲਾਨ ਜਾਰੀ ਕੀਤੇ ਗਏ ਹਨ। ਸਾਲ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਹੁਣ ਤੱਕ ਕੁੱਲ ਚਲਾਨਾਂ ਵਿੱਚੋਂ ਵੱਧ ਤੋਂ ਵੱਧ 2,56,616 ਮਾਸਕ ਦੀ ਉਲੰਘਣਾ ਲਈ ਜਾਰੀ ਕੀਤੇ ਗਏ ਸਨ ਇਸ ਤੋਂ ਬਾਅਦ 29,698 ਸਮਾਜਿਕ ਦੂਰੀਆਂ ਦੇ ਨਿਯਮਾਂ ਦੀ ਉਲੰਘਣਾ ਕਰਨ ਤੇ 1,463 ਵੱਡੇ ਜਨਤਕ ਇਕੱਠਾਂ ਲਈ ਜਾਰੀ ਕੀਤੇ ਗਏ ਸਨ। ਹੋਰ 1,572 ਚਲਾਨ ਥੁੱਕਣ ਦੇ ਲਈ ਜਾਰੀ ਕੀਤੇ ਗਏ ਤੇ 2,074 ਸ਼ਰਾਬ, ਪਾਨ, ਗੁਟਖਾ, ਤੰਬਾਕੂ ਆਦਿ ਦੇ ਸੇਵਨ ਲਈ ਜਾਰੀ ਕੀਤੇ ਗਏ।
ਦਿੱਲੀ ਵਿੱਚ 41 ਨਵੇਂ ਕਰੋਨਾ ਕੇਸ
ਰਾਜ ਦੇ ਸਿਹਤ ਮੰਤਰਾਲੇ ਦੁਆਰਾ ਜਾਰੀ ਕੀਤੇ ਗਏ ਬੁਲੇਟਿਨ ਦੇ ਅਨੁਸਾਰ ਦਿੱਲੀ ਵਿੱਚ 41 ਨਵੇਂ ਕੋਵਿਡ -19 ਮਾਮਲੇ ਦਰਜ ਕੀਤੇ ਗਏ ਤੇ ਬੀਤੇ 24 ਘੰਟਿਆਂ ਦੌਰਾਨ ਕੋਈ ਮੌਤ ਨਹੀਂ ਹੋਈ। ਰਾਸ਼ਟਰੀ ਰਾਜਧਾਨੀ ਵਿੱਚ ਕੁੱਲ ਲਾਗਾਂ ਦੀ ਗਿਣਤੀ 14,38,469 ਹੋ ਗਈ ਤੇ ਕੁੱਲ ਮੌਤਾਂ ਦੀ ਗਿਣਤੀ 25,085 ਹੋ ਗਈ। ਟੈਸਟ ਪਾਜ਼ੇਟਿਵ ਦਰ 0.06 ਪ੍ਰਤੀਸ਼ਤ ਦਰਜ ਕੀਤੀ ਗਈ ਸੀ, ਅਤੇ ਰਾਜ ਵਿੱਚ ਸਰਗਰਮ ਮਾਮਲੇ ਵੱਧ ਕੇ 404 ਹੋ ਗਏ ਹਨ। ਸਰਕਾਰੀ ਅੰਕੜਿਆਂ ਅਨੁਸਾਰ ਇਸ ਮਹੀਨੇ ਕੋਵਿਡ ਨਾਲ ਸਬੰਧਤ ਤਿੰਨ ਮੌਤਾਂ ਹੋਈਆਂ ਹਨ, ਇੱਕ, 7, 16 ਤੇ 17 ਸਤੰਬਰ ਨੂੰ। ਤਾਜ਼ਾ ਸਿਹਤ ਬੁਲੇਟਿਨ ਅਨੁਸਾਰ 41 ਕੇਸ 0.06 ਪ੍ਰਤੀਸ਼ਤ ਦੀ ਪਾਜ਼ੇਟਿਵ ਦਰ ਦਰ ਨਾਲ ਦਰਜ ਕੀਤੇ ਗਏ ਸਨ। 14.12 ਲੱਖ ਤੋਂ ਵੱਧ ਮਰੀਜ਼ ਵਾਇਰਸ ਤੋਂ ਠੀਕ ਹੋਏ ਹਨ। ਬੁਲੇਟਿਨ ਵਿੱਚ ਕਿਹਾ ਗਿਆ ਹੈ ਕਿ ਇੱਕ ਦਿਨ ਪਹਿਲਾਂ ਕੁੱਲ 68,624 ਟੈਸਟ-46,734 ਆਰਟੀ-ਪੀਸੀਆਰ ਟੈਸਟ ਤੇ 21,890 ਰੈਪਿਡ ਐਂਟੀਜੇਨ ਟੈਸਟ ਕੀਤੇ ਗਏ ਸਨ
