ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 10 ਸਤੰਬਰ
ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ ਨੇ ਦੱਸਿਆ ਹੈ ਕਿ ਕੁਤੁਬ ਮੀਨਾਰ ਤੇ ਸੁਲਤਾਨਪੁਰ ਸਟੇਸ਼ਨਾਂ ਵਿਚਾਲੇ ਰੱਖ-ਰਖਾਓ ਦੇ ਕੰਮ ਕਾਰਨ ਐਤਵਾਰ ਨੂੰ ਸਵੇਰੇ ਇੱਕ ਘੰਟੇ ਲਈ ਰੇਲ ਸੇਵਾਵਾਂ ਉਪਲਬਧ ਨਹੀਂ ਹੋਣਗੀਆਂ। ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ ਨੇ ਟਵੀਟ ਕੀਤਾ, ‘ਸੇਵਾ ਅੱਪਡੇਟ: ਪੂਰਵ-ਯੋਜਨਾਬੱਧ ਰੱਖ-ਰਖਾਓ ਦੇ ਕੰਮ ਕਾਰਨ ਮੈਟਰੋ ਸੇਵਾਵਾਂ 11 ਸਤੰਬਰ ਨੂੰ ਸਵੇਰੇ 5.15 ਵਜੇ ਤੋਂ 6 ਵਜੇ ਤੱਕ ਮਤਲਬ ਐਤਵਾਰ ਨੂੰ ਯੈਲੋ ਲਾਈਨ ’ਤੇ ਸੁਲਤਾਨਪੁਰ ਤੋਂ ਕੁਤੁਬ ਮੀਨਾਰ ਤੱਕ ਸਮੈਪੁਰ ਬਾਦਲੀ ਵੱਲ ਜਾਣ ਲਈ ਉਪਲਬਧ ਨਹੀਂ ਹੋਣਗੀਆਂ।’’ ਹਾਲਾਂਕਿ ਇਸ ਸਮੇਂ ਦੌਰਾਨ ਸਮੈਪੁਰ ਬਾਦਲੀ ਵੱਲ ਜਾਣ ਲਈ ਕੁਤੁਬ ਮੀਨਾਰ ਤੋਂ ਰੇਲ ਗੱਡੀਆਂ ਉਪਲਬਧ ਰਹਿਣਗੀਆਂ। ਸਮੈਪੁਰ ਬਾਦਲੀ ਤੋਂ ਸੁਲਤਾਨਪੁਰ ਵੱਲ ਸੈਕਸ਼ਨ ਸਮੇਤ ਹੋਰ ਸਾਰੇ ਗਲਿਆਰਿਆਂ ’ਤੇ ਸੇਵਾਵਾਂ ਆਮ ਵਾਂਗ ਰਹਿਣਗੀਆਂ।
