ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 26 ਮਈ
ਦਿੱਲੀ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੇ ਉਨ੍ਹਾਂ ਨੂੰ ਐਡਮਿਟ ਕਾਰਡ ਲੈਣ ਵਿੱਚ ਆ ਰਹੀਆਂ ਪ੍ਰੇਸ਼ਾਨੀਆਂ ਬਾਰੇ ਸੋਸ਼ਲ ਮੀਡੀਆ ਉੱਪਰ ਵਿਅੰਗਮਈ ਟਿੱਪਣੀਆਂ ਕੀਤੀਆਂ ਹਨ। ਵਿਦਿਆਰਥੀਆਂ ਨੂੰ ਅਤਿ ਦੀ ਗਰਮੀ ਵਿੱਚ ਇੱਕ ਥਾਂ ਤੋਂ ਦੂਜੀ ਥਾਂ ’ਤੇ ਭਟਕਣਾ ਪੈ ਰਿਹਾ ਹੈ। ਮਾਤਾ ਸੁੰਦਰੀ ਕਾਲਜ ਫਾਰ ਵਿਮੈਨ ਦੀ ਪਹਿਲੀ ਸਾਲ ਦੀ ਵਿਦਿਆਰਥਣ ਮੁਸਕਾਨ ਨਾਗਪਾਲ ਨੇ ਕਿਹਾ, ‘‘ਮੇਰੇ ਸਾਰੇ ਜੂਨੀਅਰਾਂ ਨੂੰ ਪਤਾ ਹੋਣਾ ਚਾਹੀਦਾ ਕਿ ਦਿੱਲੀ ਯੂਨੀਵਰਸਿਟੀ ਵਿੱਚ ਆਉਣਾ ਇੱਕ ਜੋਖਮ ਹੈ। ਮੇਰਾ ਮਤਲਬ ਹੈ ‘ਹਾਂ’ ਇਸ ਵਿੱਚ ਸਮਾਂ ਲੱਗਦਾ ਹੈ, ਜਦੋਂ ਸਾਰਿਆਂ ਨੂੰ ਇੱਕੋ ਖਿੜਕੀ ਉੱਪਰ ਐਡਮਿਟ ਕਾਰਡ ਸਟੈਂਪ ਕਰਵਾਉਂਣਾ ਪੈਂਦਾ ਹੈ ਪਰ ਉਹ (ਪ੍ਰਸ਼ਾਸਨ ਵਾਲੇ) ਉਨ੍ਹਾਂ ਨੂੰ ਦੇਣ ਤੋਂ ਪਹਿਲਾਂ ਇਸ ਉੱਤੇ ਮੋਹਰ ਕਿਉਂ ਨਹੀਂ ਲਗਾ ਸਕਦੇ ?’’