ਨਿੱਜੀ ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 4 ਸਤੰਬਰ
ਵਿਰਾਸਤ ਸਿੱਖਇਜ਼ਮ ਟਰੱਸਟ ਵੱਲੋਂ ਡਾਕਟਰ ਹਰਭਜਨ ਸਿੰਘ ਬੰਗਾ ਦਾ ਦਿੱਲੀ ਵਿੱਚ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਟਰੱਸਟ ਦੇ ਚੇਅਰਮੈਨ ਰਾਜਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਟਰੱਸਟ ਦੀ ਮੁਢਲੀ ਟੀਮ ਦੇ ਇਸ ਮੈਂਬਰ ਨੂੰ ਪਿਛਲੇ ਦਿਨੀਂ ਯੂ.ਐੱਨ.ਓ. ਵੱਲੋਂ ਵਰਲਡ ਹਿਊਮੈਨਟੇਰੀਅਨ ਦਿਵਸ ’ਤੇ ‘ਰੀਅਲ ਲਾਈਫ ਹੀਰੋ’ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਟਰੱਸਟ ਦੇ ਅੰਤਰਿਮ ਮੈਂਬਰ ਰਣਜੀਤ ਸਿੰਘ (ਪਾਲਕੋ) ਨੇ ਕਿਹਾ ਕਿ ਟਰੱਸਟ ਲਈ ਬੜੇ ਮਾਣ ਦੀ ਗੱਲ ਹੈ ਕਿ ਉਨ੍ਹਾਂ ਦੀ ਪੰਜਾਬ ਇਕਾਈ ਤੋਂ ਅੰਤਰਿਮ ਮੈਂਬਰ ਯੂ.ਐਨ.ਓ. ਨਾਲ ਜੁੜ ਕੇ ਮਾਂ ਬੋਲੀ ਲਈ ਸੇਵਾ ਕਰ ਰਹੇ ਹਨ। ਇਸ ਮੌਕੇ ਪਾਲਜੀਤ ਸਿੰਘ (ਪਾਲਕੋ) ਅਤੇ ਰਣਜੀਤ ਸਟੂਡਿਓ ਦੀ ਡਾਇਰੈਕਟਰ ਮੋਨਿਕਾ ਸ਼ਰਮਾ ਵੀ ਮੌਜੂਦ ਸਨ।
